Umuryango w’Abibumbye ishami ryawo rishinzwe abinjira n’abasohoka(IOM), wavuze ko abimukira barenga icumi bapfuye abandi bagera ku 150 baburirwa irengero mu nyanja ya Atlantique.
Ni nyuma y’uko ubwato bwabo bwarohamiye hafi n’inkombe z’igihugu cya Mauritania berekeza i Burayi, nk’uko byatangajwe n’ibitangazamakuru mpuzamahanga bitandukanye.
Mu ntangiro z’iki Cyumweru, abimukira 300 bari muri ubwo bwato bararohamye abagera ku 120 bararokorwa n’ingabo zirinda inkombe za Mauritania, naho abarenga10 bahatakariza ubuzima.
IOM, ivuga ko hagikorwa ibikorwa byo gushakisha abandi barohamye bataraboneka kugirango harebwe ko hari abatabarwa n’ubwo ngo icyizere cy’uko baba ari bazima gikomeza kuyoyoka.
Abimukira b’Abanyafrika bagerageza kugera i Burayi, akenshi bahunga ubukene n’umutekano muke.
IOM yavuze ko abimukira bagera ku 20.000 bageze mu buryo budasanzwe mu birwa bya Canary bakoresheje inzira ya Mauritania muri uyu mwaka.
Iyi mibare ikaba ikubye hafi hafi inshuro eshatu imibare yakusanyijwe y’abinjiye I Burayi mu 2023, naho abagera ku 1.950 bapfiriye muri iyo nzira umwaka ushize.
IOM yavuze ko ari umwaka wa kabiri waguyemo abimukira benshi.
About The Author
Related posts:
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
Burundi: Batatu bapfiriye mu mirwano y’abapfaga umukobwa
Nyanza: yafatanywe urumogi mu dukarito tw’itabi
Perezida Kagame yihanganishije Abaturage ba Ethiopia bibasiwe n’ibiza
Rulindo: Abantu umunani bagwiriwe n’ikirombe
Abadipolomate baravugwaho gukina urusimbi muri ambasade ya Dubai i Kampala
Karongi: CLADHO iravuga ko abubatse umudugudu mu manegeka none ukaba uri gusenywa bagomba kubibazwa
Drone za Ukraine zatwitse Ibigega bya Peteroli mu Burusiya
