Mu byitezwe kuri “series” za Google Pixel 9 zizashyirwa ku isoko mu mezi make ari imbere, hongewemo uburyo bwiswe ‘Add Me’ buzafasha umuntu kwishyira mu ifoto yafashwe adahari.
Amakuru kuri izo telefoni aracyari make, ariko hagenda hamenyekana make make biturutse ku mashusho Google ishyira hanze izamamaza.
Mu mashusho OnLeaks yashyize kuri You Tube igahita iyasiba, yerekanye umuntu ufite Pixel 9 afotora inshuti ze ebyiri zihagaze imbere y’imodoka, nyuma aza kwiyongeramo, bikagaragara nk’aho na we yari kumwe nabo ifoto ifatwa.
Inyuma y’uwongerewe mu ifoto (background) haba hameze neza nk’ah’abandi ntacyahindutse, ku buryo bigoye kumenya ko hari umuntu washyizwe mu ifoto nyuma y’uko ifatwa.
Ibindi Pixel 9 izaba ifite harimo kuba ishobora kwifashisha Ubwenge bw’Ubukorano (Artificial Intelligence, AI) igashaka ikintu ikoresheje ‘screenshot’, ikanahindura ‘background’ y’ifoto bitewe n’impamvu runaka.
Mu mwaka ushize Google yamuritse porogaramu yiswe Magic Eraser, ikoresha AI igahanagura umuntu mu ifoto kandi ntibigaragare.
Google iherutse gushyira hanze andi mashusho yerekana ko muri “series” za Pixel 9 hazaba harimo Pixel 9 Pro Fold, izaba ifite ikoranabuhanga rya Pixel 9 Pro, ikagira n’irya Pixel Fold icyarimwe.
Ni telefoni abasesenguzi bise ko izaba ari igitangaza kuko imiterere ya Pixel Fold, telefoni ya mbere izingwa Google yashyize ku isoko mu 2023, yanyuze benshi bakavuga ko $1,800 igurishwa iyakwiriye.
About The Author
Related posts:
Chinese Premiers Support the Growth of the AI Sector
Overwork causes a robot in South Korea to “commit suicide.”
The Evolution of the Internet: From Web 1.0 to Web 3.0
Online conspiracies abound following a significant worldwide IT disaster.
Icyogajuru kigenzura amabuye yagonga Isi kigiye gukurwa mu Isanzure
Udushya Iphone 16 izanye: Amaso azasimbura intoki, Siri nshya na Genmoji izagufasha kwikorera ’emojis’ zihariye
RUSSIA: Kalashnikov yamuritse imbunda nshya
iPhones to Soon Feature Tap-to-Pay Option for USDC
