Patriots BBC yatsinze APR BBC amanota 77-70, ishimangira gusoza shampiyona ya Basketball iyoboye urutonde rwa shampiyona.
Uyu mukino wabaye ku mugoroba wo ku wa Gatanu tariki 16 Kanama 2024 muri BK Arena.
Wari umukino ugena uwicara ku mwanya wa mbere ku rutonde rwa shampiyona hagati y’impande zombi.
Uretse guhatanira umwanya wa mbere abakunzi ba Basketball bari bategereje kureba abakinnyi bakomeye bahangana.
Umukino ubanza Patriots yari yatsinze APR BBC amanota 73-59.
Umukino watangiye wihuta cyane, amakipe yombi atsindana, agace ka mbere karangira anganya amanota 20-20.
Mu gace ka kabiri, Isaiah Miller yatangiye gukora ikinyuranyo no kwigaragaza bikomeye ari na ko afasha APR BBC kuyobora umukino.
Ku rundi ruhande, Stephaun Branch uheruka kugurwa na Patriots umukino wari wamunaniye, cyane ko yari amaze gukorana imyitozo na bagenzi be iminsi itatu gusa.
Igice cya mbere cyarangiye APR BBC iyoboye umukino n’amanota 39 kuri 37.
Ikipe y’Ingabo yakomeje gukina neza no mu gace ka gatatu, Miller na Diarra bagerageza kuyifasha kuyobora umukino. Aka gace karangiye APR BBC ifite amanota 53 kuri 52 ya Patriots.
Patriots yagiye mu gace ka nyuma yiminjiriyemo agafu, abarimo Perry, Ndizeye Dieudonné na Branch waje kwinjira mu mukino bakora ikinyuranyo.
Ku rundi ruhande, Ikipe y’Ingabo yagowe cyane no kugarira ndetse abakinnyi bayo basanzwe batsinda amanota atatu menshi nka William Robeyns, Axel Mpoyo na Shema Osborn ntibyabakundiye.
Umukino warangiye Patriots yatsinze APR BBC amanota 77-70 ishimangira umwanya wa mbere ku rutonde rwa shampiyona.
Mu mukino wabanjirije uyu, REG BBC yatsinze Espoir BBC amanota 93-71.
Amakipe ane ni yo yabonye itike yo gukina imikino ya kamparampaka muri Nzeri uyu mwaka ayo ni Patriots, APR BBC, REG BBC ndetse na Kepler BBC iri gukina umwaka wa mbere mu cyiciro cya mbere.
İyi shampiyona izakomeza ku Cyumweru tariki 18 Kanama REG BBC yakira Patriots BBC.
About The Author
Related posts:
Terzic, the Dortmund leader, leaves after requesting to do so.
Copa America: Argentine yageze k’umukino wa nyuma (Final)
Volleyball: Kepler VC yasanze Police VC ku mukino wa nyuma w’igikombe cyo Kwibohora
Man Utd will construct a new £2 billion stadium in place of the contentious decision to LEAVE Old Trafford in favour of a 100,000-seat venue.
France: Bitewe n’ubwitabire buke bwabitabira imikino Olympique amatike bagiye kuyagabanyiriza igiciro
FOOTBALL: Manchester City beat United on penalties to win the Community Shield.
FOOTBALL: Late goal from Lesley Ugochukwu secures a draw for Chelsea against Inter Milan
FOOTBALL: Umuhango wo gutanga ibihembo ku bakinnyi bitwaye neza muri Rwanda Premier League
