U Rwanda rugiye kwakira imikino yo gushaka itike y’Igikombe cy’Isi muri Cricket, izitabirwa n’amakipe y’abakobwa batarengeje imyaka 19 tariki ya 20-27 Kanama 2024.
Iri rushanwa rizabera kuri Stade Mpuzamahanga ya Cricket i Gahanga, rizitabirwa n’amakipe umunani yo muri “Division ya Kabiri” ari yo Kenya, Mozambique, Malawi, Botswana, Lesotho, Ghana, Eswatini na Sierra Leone.
Abiri ya mbere azasanga andi atandatu yo muri “Division ya Mbere” ariyo u Rwanda, Tanzania, Uganda, Namibia, Nigeria na Zimbabwe yagarutse mu kubanza kunyura mu majonjora y’ibanze.
Aya makipe uko ari umunani azishakamo izizajya mu Gikombe cy’Isi cyizabera muri Malaysia na Thailand mu 2025.
Mu 2023, u Rwanda rwitabiriye Igikombe cy’Isi cyabereye muri Afurika y’Epfo kuri iyi nshuro rukaba ruri gushaka uko rwazasubirayo.
Ni ku nshuro ya gatatu u Rwanda rugiye kwakira imikino y’amajonjora y’Igikombe cy’Isi haba mu Bagabo cyangwa mu Bagore nyuma ya 2021 na 2022.
Kuva mu 2017 u Rwanda rwabona Stade Mpuzamahanga ya Cricket iherereye i Gahanga, rwatangiye gutera imbere muri uyu mukino cyane ko rwagiye rwitabira Igikombe cy’Isi mu bangavu n’Igikombe cya Afurika.
Si ibyo gusa kuko nka Uwamahoro Cathia mu gitabo cy’abakoze ibintu bidasanzwe ku Isi, ‘Guinness de Records’ nyuma yo kumara amasaha 26 aterwa udupira (batting) ataruhutse.
About The Author
Related posts:
Aston villa yasinyishije Amadou Onana imuvanye muri Everton
Umutoza mushya wa Rayon Sports Robertinho yageze mu Rwanda avuga ko aje gutwara ibikombe
Uko ingengabihe ya shampiyona y’ikipe ya Apr fc iteguye ndetse n’amakipe izacakirana nayo
Manchester United na Arsenal zakinnye umukino wa Gicuti
Ivan Rakitic yibasiye Lionel Messi bakinannye muri FC Barcelona
Biratangaje! yitabiriye imikino Olympique atwite inda y’amezi 7
Zira FK ya Mutsinzi yakomeje, Djihad akomereza muri UEFA Conference League
Amateka y’Umukinnyi wa Handball Elohim Prandi
