Soma inkuru yabanje unyuze aha Abasirikari 25 bakatiwe urwo gupfa nyuma y’uko bahunze urugamba!
Urukiko rw’igisirikare cya Repubulika Iharanira Demokarasi ya Congo rwa Butembo rwakatiye abandi basirikare 16 igihano cy’urupfu, bazira guhunga urugamba bari bahanganyemo n’umutwe witwaje intwaro wa M23.
Ibyaha bashinjwaga birimo guhunga umwanzi, ubujura, ibyaha byibasiye inyokomuntu, kwanga kubahiriza amabwiriza y’abayobozi ndetse no guta intwaro.
Uru rubanza rwabereye muri teritwari ya Lubero mu ntara ya Kivu y’Amajyaruguru tariki ya 6 Nyakanga 2024, nyuma y’iminsi icyenda abarwanyi ba M23 bafashe ibice birimo Kanyabayonga n’ibindi bihana imbibi.
Ubwo M23 yafataga ibi bice tariki ya 28 Kamena, abasirikare benshi ba RDC bahungiye mu mujyi wa Butembo. Tariki ya 4 Nyakanga, aba mbere 25 baraburanishijwe, bakatirwa igihano cy’urupfu.
Tariki ya 5 Nyakanga, abandi basirikare batatu bakatiwe igihano cy’urupfu bazira guhunga umwanzi, kwica, kugerageza kwica, ibyaha byibasiye inyokomuntu no guta intwaro.
Uru rubanza rwabaye tariki ya 6 Nyakanga muri rusange rwaburanishwagamo abasirikare 22. Bose bari basabiwe igihano cy’urupfu, ariko urukiko rwafashe icyemezo cyo guhamya icyaha 16.
Abandi batatu baburanaga miri uru rubanza bahanishijwe igifungo cy’imyaka 10, batatu bandi bagirwa abere nk’uko byasobanuwe n’umwe mu banyamategeko babo, Me Jules Muvweko.
Ihuriro LAMUKA ry’imitwe ya politiki itavuga rumwe n’ubutegetsi bwa RDC ryagaragaje ko abasirikare bahunga umwanzi bakwiye guhabwa igihano cy’intangarugero, ariko ko bidakwiye mu gihe baba nta bushobozi bahawe bwo kurinda igihugu cyabo.
Umuvugizi waryo, Prince Epenge yabajije ati “Ese aba basirikare bahunga bafite ubushobozi bukenewe n’igisirikare kigezweho kugira ngo barinde igihugu. Bafite ubushobozi tekiniki, ibikoresho, amafaranga ndetse na gahunda y’umutekano isobanutse byatuma birinda, bakarinda Abanye-Congo n’igihugu?”
About The Author
Related posts:
Miki Sudo breaks the women’s record and Patrick Bertoletti wins the Nathan’s Famous International Hot Dog Eating Contest.
RDF: Abasirikari basaga 190 barimo n’abafite amapeti birukanywe
Umugabo yapfuye ajya kubikuza amafaranga kuri SACCO
Senegal: Imfungwa zakamejeje mu myigaragambyo yo kwiyicisha inzara
Karongi: CLADHO iravuga ko abubatse umudugudu mu manegeka none ukaba uri gusenywa bagomba kubibazwa
Agahinda ka Nzovu kuri Dorimbogo wagiye atamuhuje n’umugore batandukanye nkuko yari yarabimusezeranyije
Urubyiruko rusaga 46% nta makuru ruba rufite ku igenamigambi ry’Igihugu
Autriche: Restaurant yateje impagarara kubera kwishyuza abakeneye isahani ya kabiri
