Ubuyobozi bwa Ecobank Rwanda bwatangaje ko bwinjiye mu bufatanye n’ikigo gitanga serivisi z’ikoranabuhanga gifite abagihagarariye mu bice bitandukanye by’igihugu, bikazatuma bose bashobora guha serivisi z’iyi banki abantu bo mu bice bitandukanye zisanzwe zitageramo.
Ubu bufatanye bwatangajwe ku mugaragaro kuri uyu wa Gatanu tariki 23 Kanama 2024.
Umuyobozi Mukuru wa Ecobank Rwanda, Carine Umutoni yatangaje ko bahisemo gukorana na Rwanda Telecentre Network (RTN) ifite abayihagarariye mu bice bitandukanye by’igihugu, kugira ngo bashobore kugera ku bantu bose.
Ati “Twahisemo kugirana ubufatanye na RTN kubera uburyo iri ahantu hose mu gihugu, kandi uyu munsi twifashishije ikoranabuhanga twizera ko dushobora gutanga serivisi zacu za banki binyuze muri RTN kugira ngo tugere ku batagerwaho na serivisi za banki, tukabaha serivisi izo ari zo zose bakenera.”
Yakomeje agira ati “Serivisi zacu zizajya zitangwa n’abahagarariye RTN, zirimo gufungura konti, kubitsa, kubikuza, kohererezanya amafaranga hagati y’abantu mu bihugu bitandukanye muri Afurika bakoresheje Rapid Transfer, kwishyura imisoro, gushyira amafaranga ku ikarita ya Prepaid n’ibindi byinshi.
Umutoni yavuze ko iyi ari intambwe ikomeye bateye mu guteza imbere ubukungu bwifashishije ikoranabuhanga.
Umuyobozi mukuru wa Rwanda Telecentre Network, Paul Barera, yavuze ko bafite aba ajenti barenga ibihumbi bitatu mu gihugu kandi 70% bakaba babarizwa mu ntara, bigaragaza gahunda yo kwegereza serivisi z’imari ingeri zose z’abaturage.
Yavuze ko bakoze urubuga ‘Iteme’ ruhuza serivisi zose za banki zitandukanye cyangwa n’izindi bigo ku buryo umu –agent wa RTN akoresha konti imwe atiriwe ahangayika.
Barera yashimiye Ecobank Rwanda yabafashije mu gutunganya iyi nzira yo gutangira gutanga serivisi za banki binyuze ku ikoranabuhanga ( Iteme).
Ecobank ni banki nyafurika ifite umwihariko udasanzwe ku bijyanye no kugeza ku bakiriya bayo serivisi nziza zitandukanye cyane cyane iz’ikoranabuhanga.
Ecobank ubu ikorera mu bihugu 33 bya Afurika birimo u Rwanda, Uganda, u Burundi, Kenya, Tanzania, Guinea-Bissau, Sierra Leone, Liberia, Côte d’Ivoire, Burkina Faso, Ghana, Togo, Bénin, Niger, Nigeria, Cameroun, Chad, Guinée équatoriale na Sao Tomé-et-Principe. Iyi banki inakorera muri Gabon, Congo Brazzaville, Centrafrique, Sudani y’Epfo, RDC, Sénégal, Zambia, Malawi, Zimbabwe, Cape Vert, Guinea, Mali, Gambia na Mozambique.
Inafite ibiro biyihagarariye muri Ethiopia (Addis Ababa), Afurika y’epfo (Johannesburg), u Bushinwa ( Beijing), u Bwongereza (London) n’i Dubai muri Leta Zunze Ubumwe z’Abarabu, ikanakorera mu Bufuransa ( mu mujyi wa Paris).
About The Author
Related posts:
Mangesh Verma yagizwe Umuyobozi mushya wa CIMERWA
Bugesera: Hatangiye kubakwa imihanda izatwara asaga Miliyari Ebyiri
70% by’umusaruro w’ubuhinzi mu Rwanda uboneka mu Muhindo
Gatsibo: Kabarore barishimira imihanda ya kaburimbo ya 3.5 km izatwara 1 394 000 000 Frw
KENYA: Guverinoma yakumiriye isukari ituruka muri EAC
U Rwanda rwiteguye gusinyana amasezerano menshi y’ubufatanye na Indonesia
Dr Karangwa yagaragaje ingano y’umusaruro wangirikira mu murima
Inzego z’ibanze zanenzwe kunanirwa kugaragaza ikibazo cy’ibura ry’isoko ry’umuceri
Can you be more specific about the content of your article? After reading it, I still have some doubts. Hope you can help me.
Your article helped me a lot, is there any more related content? Thanks!