Umuherwe Elon Musk yemeye guhurira mu murwano na Perezida wa Venezuela Nicolas Maduro kugira ngo barangize ibibazo bafitanye nk’abagabo.
Umuherwe wo muri Leta Zunze Ubumwe z’Amerika Elon Musk yemeye guhura na Perezida Maduro bakarwana bakarangiza ibibazo byabo nyuma yo kumara iminsi baterana amagambo.
Byose byatangiye ku Cyumweru cyashize ubwo Komisiyo y’Igihugu y’amatora muri Venezuela yatangazaga ko Perezida Maduro yegukanye amatora ariko bigahita bikurikirwa n’imyigaragambyo ya rubanda.
Elon Musk yahise ajya ku rukuta rwe rwa X avuga ko Maduro ari umunyagitugu, ati ” Ikimwaro ku munyagitugu Maduro.”
Ku wa Mbere w’iki cyumweru Perezida Maduro akibita mu gutwi, yagiye kuri televiziyo y’Igihugu abaza Musk niba ashaka kurwana, amusaba ko barwana kuko we nta bwoba afite.
Ati “Ushaka kurwana? Reka tubikore. Elon Musk nditeguye. Nta bwoba ngufitiye Elon Musk. Reka turwane niba ubishaka.”
Ku wa Gatatu Elon Musk nawe ntiyaripfanye, kuko yahise avuga ko yiteguye kurwana na Maduro. Ati “Ndabyemeye. nitsinda uzegura ku butegetsi bwa Venezuela nk’umunyagitugu. Nutsinda, nzakujyana kuri Mars ku buntu”.
Elon Musk akaba asanzwe afite ikigo cya SpaceX gikora ubushakashatsi ku by’isanzure n’ibindi binyuranye, bakaba bafite n’imishinga yo kujyana ikiremwamuntu ku mubumbe wa Mars, ari na yo mpamvu yemereye Maduro kumujyana ku buntu mu gihe yaba amutsinze.
About The Author
Related posts:
Hamenyekanye abahanzi bazahurira ku rubyiniro na Sheebah Karungi i Kigali
NYARUGURU: Yatemye Umugore n’Umwana arangije ariyahura
Speaking with Zelensky, Trump promises to “end the war” with Russia.
Rema aravugwa mu rukundo n’ikizungerezi.
inkuru mbi Valentine wamenyekanye cyane nka DORE IMBOGO yamaze gushiramo umwuka.
Ibitazibagirana kuri ‘Dorimbogo’ uheruka kwitaba Imana.
Papa Cyangwe yahuje Tuff Gangs, Alyn Sano, Bwiza na Yverry bakora mu nganzo: Indirimbo nshya za weekend,
Hateguwe igitaramo cyo kongera kuzirikana ubuzima bwa Yvan Bravan
