Abaturarwanda batumiwe kuza kwakira indahiro ya Nyakubahwa Perezida Paul Kagame. Guverinoma y’u Rwanda yatumiye Abanyarwanda mu muhango wo kurahiza Perezida Paul Kagame uheruka gutorwa, kuzarahira kwe bikazaba taliki 11, Kanama, 2024. Azaba arahirira kongera kuyobora Abanyarwanda muri manda y’imyaka itanu.
Mu kiganiro yahaye abanyamakuru ubwo yari arangije kwiyamamaza Nyakubahwa Paul Kagame yabwiye umunyamakuru ko ibya mbere azibandaho muri iyo manda ari ukwimakaza umutekano n’umudendezo w’Abanyarwanda muri byose. Yavuze ko umutekano mu bukungu no bundi bundi buryo ari wo uzaza imbere, abaturage bagakungahara.
H.E Paul Kagame aherutse kwegukana intsinzi mu matora aheruka ku ijanisha rya 99.18%. Ubwo yatorerwaga bwa mbere kuyobora u Rwanda hari mu mwaka wa 2003 akaba yari yatorewe manda y’imyaka irindwi. Mu mwaka wa 2010 nabwo yaratowe ndetse no mu wa 2017 biba uko.
Muri izo manda zose yazaga ku mwanya wa mbere kandi byabaga bigaragara kuko aho yageraga hose agiye kwiyamamaza, abaturage baba ari benshi bamubwira ko ntacyatuma batamutora kubera umutekano n’amajyambere yabagejejeho. Buri uko arahiye indahiro ya Perezida wa Repubulika yakirwa na Perezida w’Urukiko rw’ikirenga.
Kuri iyi nshuro izakirwa na Dr. Faustin Nteziryayo. Arahira afashe ku ibendera ry’u Rwanda akazamura akaboko k’iburyo. Mu ndahiro ye arahira kutazahemukira u Rwanda, gukurikiza no kurinda itegeko nshinga n’andi mategeko, gukorana umurava imirimo ashinzwe, guharanira amahoro n’ubusugire bw’igihugu, gushimangira ubumwe bw’Abanyarwanda, kutazigera akoresha ububasha azaba ahawe mu nyungu ze bwite no guharanira ibyagirira Abanyarwanda bose akamaro.
About The Author
Related posts:
UN Panel of Experts Again Accuses Uganda of Supporting M23
Mifotra yagize icyo yizeza abarimo urubyiruko
Ishimwe rya P. Kagame ku bihugu 29 byamwoherereje ubutumwa bumushimira
Abadipolomate baravugwaho gukina urusimbi muri ambasade ya Dubai i Kampala
Amb. Olivier Nduhungirehe yanyomoje ubutumwa bwatanzwe na MONUSCO
Abakuru b’inzego zishinzwe iperereza bo mu Rwanda na DRC bahuriye i Luanda
La stabilité régionale au cœur d’un discours d’investiture ferme
RDC: Umusirikare wa FARDC yarashe Afande we mu cyico
