Uko bwije n’uko bukeye izina Queen Cha rigenda risa n’iryibagirana bitewe n’uko imyaka ikomeje kugenda yisunika nta gihangano gishya aha abakunzi be yewe nta n’akanunu ke, ibitera urujijo benshi bamukunze bibaza aho yaba yararengeye n’ibyo yaba ahugiyemo bituma atabaha indirimbo.
Mugemana Yvonne wamenyekanye nka Queen Cha, ni umwe mu bahanzikazi bakunzwe n’abantu benshi mu muziki Nyarwanda dore ko yawutangiye mu gihe Abanyarwanda bari batarakira neza kubona umwana w’umukobwa aririmba, cyane ko muri icyo gihe umuziki Nyarwanda wakorwaga n’umuntu uwukunda bya nyabyo kuko wari utaratera imbere ku buryo wari gutunga umuntu.
Uyu mukobwa ubusanzwe wize ibijyanye n’ibinyabuzima muri kaminuza y’u Rwanda, yatangiye umuziki mu mwaka wa 2011 abifashijwemo n’inshuti ze, aza no kugira Imana ahita yinjizwa mu ‘Ibisumizi’ biyobowe n’umuraperi Riderman, aho baje no gukorana indirimbo yitwa ‘Umwe Rukumbi’.
Queen Cha yaje gukomeza gukora umuziki akora indirimbo zitandukanye abantu n’abo bajyaho baramukunda bivuye inyuma binyuze mu ndirimbo zirimo windekura, Kizimyamoto yakoranye na Safi Madiba wabarizwaga muri Urban Boys. Rugari, Isiri n’izindi.
Queen Cha yaje kwinjira muri ‘The Mane Music Label’ yashinzwe n’umushoramari Bad Rama, asangamo abarimo Marina, Jay Polly, Safi Madiba n’abandi, gusa nyuma y’igihe atagaragara mu muziki, muri Mata 2021 yaje gutangaza ko yamaze kuyisezeramo.
Muri uyu mwaka kandi nibwo Queen Cha yatangaje ko afite umukunzi, gusa kuva icyo gihe yatangiye kugenda abura gake gake nyuma biza kumenyekana ko yagiye i Burayi mu biruhuko, icyakora muri uyu mwaka yaje kwiyandayanda ashyira hanze indirimbo yise ‘Feel Me’ ari nayo aheruka kugeza ubu.
Nyuma y’imyaka ibiri nta hantu na hamwe agaragara yaba mu bitangazamakuru no kumbuga nkoranyambaga, nibwo muri Kanama 2023 yaje kunyura ku rukuta rwe rwa Instagram yongera kwiyereka abakunzi be ubwo yari aherereye i Paris mu gihugu cy’u Bufaransa, byongera kuzamura urujijo hibazwa mu by’ukuri aho aherereye n’ibyo ahugiyemo.
Queen Cha yagaragaye ari i Paris mu Bufaransa mu 2023
Kuri ubu Queen Cha yabaye ashyize ku ruhande ibijyanye no gukora umuziki ndetse bishobora no kurangira awuhagaritse burundu, aho ubu ari kwibanira n’umukunzi we mu gihugu cya Beligique, nubwo mu mafoto aheruka gushyira hanze atajya agaragazamo uwo mukunzi we.
Amakuru avuga ko uyu mukunzi we ari we wamugiriye inama yo kuba ashyize ku ruhande iby’umuziki akamushakira ibindi akora, cyane ko uyu mukunzi we ari umuntu udakunda ubuzima bw’ubwamamare ari nayo mpamvu bizakugora kuba wabona amafoto yabo bari kumwe cyane.
About The Author
Related posts:
Harmonizer yavuze kubijyanye n’ishyari riri mu muziki wa Tanzania ko rikomeje gufata indi ntera
Umuraperi w’umunyamerika uzwi nka yee Kanye west yifatiwe n’umunyamideri kuburyo bukomeye.
Nyirangondo wamamaye kubera imvugo ‘Abakobwa bafite ubushyuhe’ yanahimbwemo indirimbo, yitabye Imana
Ykee Benda yaryumyeho ku bijyanye no gushaka kwinjira mu Nteko Nshingamategeko
Byagenze bite ngo indirimbo za France Mpundu na Juno Kizigenza zikurwe kuri YouTube?
Chris Brown n’itsinda rye bari mu mazi abira
Riderman yatomagijwe n’umugore we ku isabukuru y’imyaka 9 bamaze barushinze.
“Ese kuba icyamamare byaba bimaze iki, mu gihe Ijuru ryaba ritazi izina ryawe ?” ! Yolo The Queen
Nashake ntazagaruke mumuziki😉