Kuri uyu wa Kane, itariki ya 15 Kanama hanze ya Afurika, mu gihugu cya Suede havumbuwe umuntu wa mbere wanduye indwara y’ubushita ikomeje guteza akaga. Iri tangazo rije bukeye bwaho OMS itangije urwego rwayo rwo hejuru rw’ubuzima ku rwego mpuzamahanga mu rwego rwo guhangana n’iki kibazo cyabanje ku mugabane wa Afurika.
Minisitiri w’Imibereho Myiza n’Ubuzima muri Suede, Jakob Forssmed, yagiranye ikiganiro n’abanyamakuru kugira ngo atangaze uko ibintu byifashe, i Stockholm, kuri uyu wa kane, itariki ya 15 Kanama 2024.
Ikigo cy’ubuzima rusange cya Suede kivuga ko umuntu wanduye ubwoko bwa 1 bwa virusi y’ubushita yo mu bwoko bwa clade ya 1b yanduriye muri Afurika, Aho yongeye kugaragara muri Repubulika ya Demokarasi ya Congo kuva muri Nzeri 2023 nk’uko iyi nkuru dukesha RFI ivuga.
Muri iki gihugu gituwe na miliyoni 100, ubu intara zose zibasiwe n’iki cyorezo. Aho abantu barenga 15.000 bashobora kuba barabaruwe, kandi abantu 548 bapfuye kuva umwaka watangira. I Stockholm, abashinzwe ubuzima barashaka guhumuriza rubanda
Ngo uyu murwayi aravurwa kandi ntagaragaza akaga ku bandi baturage. Bongeyeho ko Suede yiteguye neza gusuzuma, guha akato no kuvura abantu barwaye ubushita mu mutekano kandi neza.
Muri Amerika, Minisiteri y’Ubuzima yerekanye ko “gukingira bizaba igice cy’ingenzi mu guhangana n’iki cyorezo.” Washington yamaze guha DRC doze 50.000 z’urukingo rwemejwe na FDA.
About The Author
Related posts:
Umuryango wabibumbye Ushinzwe Ubuzima ku Isi ugiye gushyiraho itsinda rigiye kwiga k’ubushita bw’inkende ko bwaba ari icyorezo cyugarije Isi
Ibintu 5 Byagufasha Kwirinda Indwara y’Umutima
Kigali: Abaturage 12 bajyanwe mu bitaro nyuma yo kunywa ubushera
Rutsiro: Hoteli abajyanama b’ubuzima bashoyemo amafaranga yabahejeje mu gihirahiro
ibintu 10 ugomba kumenya ku gakoko gatera SIDA
Sobanukirwa impamvu abakobwa bakunda kwifotoza cyane kurusha abagabo
RDC: Imiti ifite agaciro ka miliyari n’igice yahiriye mu bubiko
Zambia: Imbwa 400 zishwe n’ibigori bihumanye
