Abashakashatsi mu by’imirire n’ubuzima, bagaragaza ko igihe umuntu afatira ifunguro ari ingenzi ku buzima bwe, gukererwa kujya muri iki gikorwa bikaba byatera ibyago. Batanga inama ko nibura wakabaye urya habura amasaha atatu kugira ngo uryame, unabone umwanya wo kubungabunga umubiri wawe.
Umuhanga mu bumenyi bw’imirire mu bitaro bya Mayo Clinic byo muri Leta Zunze Ubumwe za Amerika, Tara Schmidt, yagaragaje ko kurya hakiri kare bifasha cyane abakunze kurwara ikirungurira iyo bamaze kurya.
Nk’uko abisobanura, kurya kare nibura habura amasaha atatu cyangwa ane mbere yo kuryama bifasha kubona igihe gihagije cyo kuba watembera cyangwa ugakora indi mirimo ishobora gutuma igogora ry’ibyo wariye rigenda neza.
Ati “Mu gihe cy’umucyo, umubiri ukora neza. Ugabanya ingano y’isukari iri mu mubiri kuko iba yiyongereye mu gihe ufata ifunguro. Ariko iyo ukora ukoresha umubiri, irongera ikagabanyuka.”
Umuhanga mu mirire akaba n’umwanditsi w’igitabo “Love the Food That Loves You Back” (Kunda Ifunguro Rigukunda), Ilana Muhlstein, ashimangira ko gutegura ifunguro kare kugira ngo urye kare ari ngombwa, kuko bigufasha mu kutaritegura huti huti.
Yagaragaje ko iyo uvuye mu kazi ushonje, umubiri uba ugusaba ifunguro ririmo intungamubiri z’ingenzi nka protéine n’imboga. Abona ko bidakwiye ko inzara igutera kwadukira ibiribwa byose usanze mu rugo nk’imigati, kuko kuyirya ukayigerekaho n’ibyatekewe mu nkono yo mu rugo bishobora gutuma uhaga cyane.
Muhlstein ahamya ko ibyiza ku muntu uvuye mu kazi, nibura ari saa kumi n’imwe zuzuye z’umugoroba cyangwa n’igice, yakabaye asanga ifunguro ryujuje izi ntungamubiri zateguwe, akarya hakiri kare kugira ngo igogora rigende neza.
Gufata ifunguro rya nijoro ukerewe bihuzwa no kuba warya byinshi cyane bitewe n’ibyo uba wahereyeho utegereje ko rishya, bikongera ibyago byo kugira umubyibuho ukabije. Ubushakashatsi bugaragaza ko umusemburo wa “Leptin A” utuma wumva igifu cyuzuye wiyongera iyo uriye ukererewe.
Abashakashatsi bagaragaza ko kurya hakiri kare bifasha abantu gusangira na bagenzi babo, by’umwihariko ababyeyi n’abana, bikongera urukundo hagati yabo.
Gusangira n’abandi ntibituma ifunguro rikuryohera gusa, ahubwo binatuma ubuzima bwawe bwo mu mutwe bugenda neza.
About The Author
Related posts:
Musanze: Hari “Poste de Santé” abaturage batishimira imikorere yayo
Baho International Hospital yazanye inzobere mukuvura indwara z’Abagore
PREVENTION OVER CURE: Six lifestyle variables account for nearly half of all cancer cases; are you at risk?
Kurangiza vuba ku bagabo biterwa ni iki, ese biravurwa? (Igice cya 1)
Mu Rwanda hamuritswe ikigo cyitezweho kugabanya umubare w’ababyeyi bapfa babyara n’abana bapfa bavuka
Africa: Hakenewe Miliyoni zirenga 10 z’inkingo za Mpox mu gihe hari ibihumbi 200 gusa
Zambia: Imbwa 400 zishwe n’ibigori bihumanye
DRC: Kubera inzara Abarwayi ba ‘Monkeypox’ bari gutoroka ibitaro
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?
Can you be more specific about the content of your article? After reading it, I still have some doubts. Hope you can help me.