Ukraine yafashe umujyi wa Sudzha w’u Burusiya mu gihe ingabo zayo zigenda zerekeza imbere mu karere ka Kursk, nk’uko abayobozi ba Kyiv babitangaza. Waba ariwo mujyi munini w’u Burusiya waguye mu maboko ya Ukraine kuva yatangira ibitero mu Burusiya mu cyumweru gishize kirenga.
Nubwo utuwe gusa n’abantu bagera ku 5.000, Sudzha ni izingiro ry’ubutegetsi bw’akarere ko ku mupaka ka Kursk. Ni wo munini kuruta iyindi mijyi cyangwa imidugudu Ukraine ivuga ko ingabo zayo zafashe kuva igitero cyatangira ku itariki ya 6 Kanama.
Uyu Mujyi uherereye kandi ku masangano y’umuyoboro munini wa gaz y’u Burusiya ujya i Burayi, umuyoboro wa Druzhba nk’uko iyi nkuru dukesha Euronews ivuga.
Perezida wa Ukraine, Volodymyr Zelenskyy, yavuze ko Igisirikare cya Ukraine gishyiraho ibiro by’ubuyobozi i Sudzha, ibyo bikaba byerekana ko Ukraine ishobora kuba iteganya kuguma mu karere ka Kursk igihe kirekire cyangwa kwereka gusa Moscou ko ishobora kubishaka.
Ntabwo yasobanuye neza imirimo ibiro bishobora kizaba bikora, nubwo yavuze mbere ko Ukraine izatanga imfashanyo z’ubutabazi ku baturage ba Sudzha bakeneye ubufasha.
About The Author
Related posts:
Yago Pondat yitabye RIB: Nyuma y’ikirego cya Dabijou
Ukraine: Abagororwa bagiye kwifashishwa mu ntambara
Congo: Abasirikari 25 bakatiwe urwo gupfa nyuma y’uko bahunze urugamba!
DRC: Abandi basirikari 16 bakatiwe urwo gupfa
Turkiya igiye kohereza muri Somaliya igisirikare gufasha gushaka peteroli na gaz
Perezida Kagame yakiriye abagize uruhare mu bikorwa byo kwiyamamaza
Senegal: Imfungwa zakamejeje mu myigaragambyo yo kwiyicisha inzara
Rutsiro: Hoteli abajyanama b’ubuzima bashoyemo amafaranga yabahejeje mu gihirahiro
