Icyamamare ku mbuga nkoranyambaga Valentine Nyiransengiyumva wamenyekanye nka Dorimbogo, yapfuye azize uburwayi yari amaranye iminsi, ubwo yari azanwe mu bitaro bikuru bya Kibuye kunyuzwa mu cyuma.
Aya makuru y’inshamugongo yamenyekanye ku mugoroba wo kuri uyu wa Gatandatu tariki ya 27 Nyakanga 2024.
Uyu mukobwa wari warabaye ikimenyabose ku mbugankoranyamba yapfuye kuri uyu wa Gatandatu ku isaha ya saa kumi z’umugoroba.
Amakuru BWIZA dukesha iyi nkuru nayo ikesha Umukozi wo mu bitaro bya Kibuye, ni uko yazanwe kuri ibi bitaro n’imodoka yigenga, akagezwa mu mbuga zabyo arimo gusamba, bakagerageza kureba uko bamugarura mu buzima bikananirana.
Dorimbogo wari umaze iminsi arwariye mu Bitaro bya Kibogora mu karere ka Nyamasheke, yari yaratashye mu rugo bamusaba kuzajya guca mu cyuma, akaba yapfuye ubwo yari agiye kujyanwa kunyura mu cyuma.
Mu minsi 10 ishize nibwo byamenyekanye ko Dorimbogo ari mu bitaro aho yatangaje ko arembye.
Icyo gihe mu kiganiro yagiranye n’umuyoboro wa YouTube wa Urugendo TV, Dorimbogo wumvikanaga ari mu buribwe, yatangaje ko arwaye igifu ndetse n’umutwe byamurembeje akaba atabasha kweguka aho aryamye mu bitaro.
Yavuze ko agifatwa n’ubu burwayi, yari mu mujyi wa Kigali, gusa yagiye kwivuriza mu bitaro byaho (kwa Nyirinkwaya mu Biryogo) asanga bimuhenda cyane ahitamo kujya ku bitaro bikuru bya Kibogora biri hafi y’iwabo kugira ngo byorohere ab’iwabo kumusura.
Ndetse kandi Dorimbogo yashimiye abakomeje kumwitaho, bamusengera ndetse n’abamwohererezaga ingemu.
Muri icyo kiganiro kandi niho yaboneyeho gusaba imbabazi abantu bose yaba yarahemukiye, aho yagize ati: ” Nintagaruka i Kigali, muzansabire imbabazi abo nahemukiye, kandi nintagaruka, muzansezere neza.”
About The Author
Related posts:
Hamenyekanye abahanzi bazahurira ku rubyiniro na Sheebah Karungi i Kigali
NYARUGURU: Yatemye Umugore n’Umwana arangije ariyahura
Speaking with Zelensky, Trump promises to “end the war” with Russia.
Rema aravugwa mu rukundo n’ikizungerezi.
Ibitazibagirana kuri ‘Dorimbogo’ uheruka kwitaba Imana.
Elon Musk agiye gusekurana na Perezida wa Venezuela.
Papa Cyangwe yahuje Tuff Gangs, Alyn Sano, Bwiza na Yverry bakora mu nganzo: Indirimbo nshya za weekend,
Bien-Aimé yakomoje ku nzozi yahoranye zo gukorana indirimbo n’Umunyarwanda.
