Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni, yagaragaje ko abari inyuma yo gushinga insengero zitujuje ibisabwa n’abafungura utubari tubyinirwamo abambaye ubusa buri buri, bose bahuriye ku ngingo yo gufatirana abantu mu ntege nke z’amarangamutima, mu mitekereze no mu bukungu bagamije inyungu zabo bwite.
Minisiri Umutoni yagaragaje ko bitari bikwiriye nk’igihugu cyanyuze mu mateka mabi ya Jenoside yakorewe Abatutsi, ko ibyo bisa nko kwirara bihabwa umwanya na busa.
Ni ubutumwa yanyujije kuri X agaruka ku bibazo bitandukanye bisa n’ibyahuriranye byo gufunga abantu 22 babyinaga mu kabari bambaye ubusa n’icyo gufunga insengero zitujuje ibyangombwa.
Mu ijoro ryo ku wa 17-18 Kanama 2024, inzego zishinzwe umutekano zataye muri yombi abantu 22 bari basohokeye mu kabyiniro kabamo inkumi zambaye ubusa mu Karere ka Gasabo.
Ni mu gihe insengero nyinshi zikomeje gufungwa, zimwe zishyira ubuzima bw’abaturage zigasenywa ndetse Minisiteri y’Ubutegetsi bw’Igihugu iherutse gutangaza ko imiryango ishingiye ku myemerere idafite ubuzima gatozi 40 yakoreraga hirya no hino mu gihugu igomba gihagarikwa.
Ni ingingo na Minisitiri Umutoni yagarutseho agaragaza ko iki cyumweru gishize cyari ingenzi cyane.
Yavuze ko ku kuva ku gufungwa kw’insengero zitujuje ibyangombwa “kugera ku guta muri yombi abagira uruhare mu mikorere y’utubari tw’ibanga” avuga ko abo bihishe inyuma y’ibyo bikorwa hari icyo basangiye.
Ati “Bose bahuriye ku gufatirana abantu mu ntege nke z’amarangamutima, mu mitekereze no mu bukungu bagamije inyungu zabo bwite. Ibyo turi kubona mu Rwanda biteye impungenge.”
Yavuze ko nk’igihugu kivuye mu mateka mabi ya Jenoside yakorewe Abatutsi ndetse abaturage bacyo bagihanganye no gukomeza gushimangira agaciro kabo n’imitekerereze iteye imbere, “nta mwanya na muto wo kwirara no guhora abantu bihisha mu mutaka wo kwishingikiriza ku mvugo z’uko ‘ari uburenganzira bwabo bwo gukora ibyo biboneye.”
Iki kibazo cy’amadini n’insengero bimaze iminsi bifungwa byanagarutsweho na Perezida Kagame ku wa 14 Kanama 2024 ubwo yakiraga indahiro ya Minisitiri w’Intebe, Dr. Ngirente Edouard n’iz’abadepite.
Ati “Aba bantu bateka imitwe bakanyura muri ibyo by’amadini, mu makanisa mu madini mu biki, bakambura abantu ibyabo bagatwara umutungo wabo, biraza gutuma dushyiraho umusoro.”
Perezida Kagame yavuze ko bishobora gukorwa umuntu akajya asorera icyo yinjije “waba wacyinjije ku binyoma, wabeshye abantu ukabatwara ibyabo”, ati “igihe urwo rubanza rutaracibwa ko ibyo wakoze ari ibinyoma cyangwa iki, reka habanze hajyeho umusoro”.
About The Author
Related posts:
“UKO KWIYAMAMAZA BYAGENZE” Umukandida wa FPR Inkotanyi yahaye Urubyiruko rw’Inyamagabe Umukoro
Miki Sudo breaks the women’s record and Patrick Bertoletti wins the Nathan’s Famous International Hot Dog Eating Contest.
Nyanza: yafatanywe urumogi mu dukarito tw’itabi
Abimukira 150 baburiwe irengero mu nyanja
Umuganura ni iki? Sobanukirwa byinshi wibaza kuri uyu muhango umenye n’uko kera wizihizwaga
Venezuela: Perezida Maduro yavuze ko atifuza WhatsApp mu gihugu cye
Cori Bush, a member of “Squad,” loses the congressional primary
‘Kubohora umugabane wa Afurika wose’ Isomo Muhoozi yigiye kuri Fred Rwigema
Your point of view caught my eye and was very interesting. Thanks. I have a question for you.
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?
Can you be more specific about the content of your article? After reading it, I still have some doubts. Hope you can help me.