Perezida Paul Kagame yashimiye ibihugu 29 byo hirya no hino ku Isi, nyuma yo kumwoherereza ubutumwa bumushimira ku ntsinzi aheruka kwegukana mu matora y’Umukuru w’Igihugu.
Perezida yashimiye ibyo bihugu mu butumwa yanyujije ku rubuga rwe rwa X.
Ibihugu yagaragaje ko byamwoherereje ubutumwa bumushimira biciye mu bakuru babyo, aba za Guverinoma zabyo ndetse n’abadipolomasi ni Barbados, Repubulika ya Centrafrique, Tchad, Ibirwa bya Comores, Cuba, Djibouti, Misiri, Ethiopie, Guinée-Bissau, Guinée-Conakry, Kazakhstan, Kenya, Liberie na Madagascar.
Birimo kandi Ibirwa bya Maurice, Maroc, Mozambique, Oman, Qatar, Sénégal, Ibirwa bya Seychelles, Somalie, Sudani y’Epfo, u Busuwisi, Tanzanie, Türkiye, Uganda, Venezuela, Zambie n’ibindi.
Perezida Paul Kagame mu butumwa yanyujije ku rubuga rwe rwa X yavuze ko u Rwanda rwiteze “gukomeza umubano wunguka ku bw’abaturage bacu ndetse no hagati yabo”.
Amajwi ya burundu y’ibyavuye mu matora y’Umukuru w’Igihugu yabaye ku wa 15 Nyakanga, yerekana ko Perezida Paul Kagame yayatsinze ku majwi 99.18%.
Dr Frank Habineza w’Ishyaka Riharanira Demukarasi no kurengera Ibidukikije mu Rwanda wamuguye mu ntege yagize amajwi 0.50% na ho Mpayimana Philippe wiyamamaje nk’umukandida wigenga agira amajwi 0.32%.
About The Author
Related posts:
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Leta ya Uganda yahamije ko yakiriye imishyikirano ya RDC na M23
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
Arthémon Simbananiye inaribonye muri politike y’i Burundi yitabye Imana
DRC: Sultan Makenga ,Corneille Nangaa na Willy Ngoma batangiye kuburanishwa ku byaha byo kugambanira igihugu
“Abanyagitugu n’abami ntabwo ari bo bayobora Amerika” Biden avuga impamvu yaretse kwiyamamaza
Kamala Harris yavuze ko Israel igoma gukomeza kwirwanaho mu ntambara irimo na Hamas
Burundi: Batatu bapfiriye mu mirwano y’abapfaga umukobwa
