Israel yatangaje ko Igisirikare cyayo cyagabye igitero cy’indege z’intambara ku ibitero bya Hezbollah mu turere dusaga 10 dutandukanye two mu majyepfo ya Libani.
Muri byo bitero harimo ibyagabwe mu bubiko bw’intwaro, ibisasu bya roketi n’ibindi bikorwa remezo.
Igisirikare cya Isiraheli nticyigeze gisobanura byinshi kuri ibi bitero icyakora ngo birashoboka ko hari n’abarwanyi babigendeyemo ku ruhande rwa Liban.
Mu nyandiko yabanjirije iyi, yavuze ko ingabo zayo zateye Chihine, Kfar Kila, Aita al-Shaab na Alma ash-Shaab.
Hagati aho TV ya Al Mayadeen yo muri Libani, yavuze ko ibitero bya Isiraheli byabereye mu mujyi wa Khiam, Kfar Shouba, Mahbib, Aita al-Shaab, Zebqin, Ramyah, Kaouthariyet El Saiyad na Kfar Kila, mu gihe ibiro ntaramakuru NNA byatangaje ko byibasiye ibitero karundura bari bagabweho.
Israel yagabye ibi bitero isa n’iyihorera nyuma y’uko muri iki Cyumweru umwana w’imyaka 16 n’undi w’imyaka 20, bafite ubwenegihugu bubiri bw’Ubwongereza na Isiraheli, barishwe ndetse na nyina arakomereka bikabije mu gitero cy’amasasu cyabereye ku nkombe y’Iburengerazuba.
Nyuma yaho nimugoroba, itsinda rya ba mukerarugendo bagonzwe n’imodoka mu gitero cyabereye i Tel Aviv, abayobozi ba Isiraheli bavuga ko ari igitero cy’iterabwoba.
Umugabo w’umutaliyani yarapfuye abandi barindwi barakomereka, barimo ba mukerarugendo batatu b’Ubwongereza n’umuturage w’Ubutaliyani. Nk’uko ikigo nderabuzima cya Ichilov kibitangaza ngo muri barindwi bakomeretse, batatu bari bakiri mu bitaro guhera ku wa gatandatu mu gitondo ku isaha yaho. Abandi bane bari barataha.
About The Author
Related posts:
Yago Pondat yitabye RIB: Nyuma y’ikirego cya Dabijou
Ukraine: Abagororwa bagiye kwifashishwa mu ntambara
Congo: Abasirikari 25 bakatiwe urwo gupfa nyuma y’uko bahunze urugamba!
DRC: Abandi basirikari 16 bakatiwe urwo gupfa
Turkiya igiye kohereza muri Somaliya igisirikare gufasha gushaka peteroli na gaz
Perezida Kagame yakiriye abagize uruhare mu bikorwa byo kwiyamamaza
Senegal: Imfungwa zakamejeje mu myigaragambyo yo kwiyicisha inzara
Rutsiro: Hoteli abajyanama b’ubuzima bashoyemo amafaranga yabahejeje mu gihirahiro
