Isiraheli yatangaje ko ingabo zayo zabonye imirambo y’abantu batandatu bari barashimuswe na Hamas muri Gaza. Mu itangazo, Ingabo za Israheli (IDF) zatangaje ko iyo mirambo yabonetse ku wa Gatandatu mu gace ka Rafah, mu majyepfo ya Gaza.
IDF yavuze amazina y’abo bantu ari: Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi, na Master Sgt Ori Danino.
Umuvugizi Rear Adm Daniel Hagari yavuze ko igenzura rya mbere ryerekana ko bishwe nabi n’abarwanyi ba Hamas mbere gato y’uko ingabo zibageraho.
Umuyobozi wa Hamas, Izzat al-Rishq, yashimangiye ko Israheli ari yo ifite uruhare mu rupfu rw’abo bantu, kubera ko yanze gusinya amasezerano yo guhagarika intambara.
Minisitiri w’Intebe wa Israheli, Benjamin Netanyahu, yavuze ko Israheli itazaruhuka kugeza abakoze ibyo byaha bagejejwe imbere y’ubutabera.
Mu itangazo rye, yavuze kandi ko guverinoma ye yiyemeje kugera ku masezerano yo kurekura abakiri mu maboko y’umwanzi no kurinda umutekano w’igihugu.
“Uwica abashimuswe – ntabwo ashaka amasezerano,”.
Ihuriro ry’imiryango y’abashimuswe i Gaza ryasabye Netanyahu “kwiyama igihugu no kwiyemerera ko yananiwe kurengera abashimuswe”.
Ihuriro ry’imiryango y’abashimuswe ryavuze ko abo batandatu bishwe mu minsi mike ishize, nyuma yo kumara amezi hafi 11 bakorerwa iyicarubozo, bashimutwa, kandi bicirwa n’inzara mu maboko ya Hamas.
“Ukudindira gusinya amasezerano kwatumye bapfa hamwe n’abandi bashimuswe,” ibi byavuzwe mu itangazo.
Iri tsinda kandi ryatangaje ko rifite gahunda yo “guhagarika igihugu” ku Cyumweru, risaba abaturage ba Israheli kwitabira imyigaragambyo i Yerusalemu, i Tel Aviv no mu bindi bice bya Israheli basaba amasezerano yo guhererekanya abashimuswe.
Umugabo w’Umwarabu wo mubwoko bwa Bedouin warokowe muri Gaza icyumweru gishize n’ingabo za Israheli yasabye Israheli kugirana amasezerano na Hamas yo kurekura abashimuswe bose basigaye.
Nyuma yo kugaruka mu mudugudu we mu majyepfo ya Israheli ku wa Gatatu, Elkadi yavuze ko “ibyishimo bye bidashobora kuba byuzuye igihe hakiri abashimuswe” ku mpande zombi.
Mu itangazo ryayo ryatangajwe kuri iki Cyumweru mu gitondo rivuga urupfu rw’abo bantu, IDF yavuze ko imirambo yabo “yashyikirijwe Israheli”.
“Bose bashimuswe ku itariki ya 7 Ukwakira [2023] kandi bishwe n’umutwe wa Hamas mu gace ka Gaza.”
Iryo tangazo ryongeraho ko imiryango yabo yamaze kubimenyeshwa.
Perezida wa Israheli Isaac Herzog yavuze ko igihugu cyose cyashenguwe n’urupfu rwabo.
“Mu izina rya Leta ya Israheli, ndahumuriza imiryango yabo n’umutima wanjye wose, kandi mbiseguyeho ku kuba tutarabashije kubacyura amahoro,”.
Mu gihe urupfu rwa Goldberg-Polin, umuturage w’Amerika, rwari rwemejwe, Perezida wa Amerika Joe Biden yavuze ko “ababajwe cyane n’aya makuru”.
Yavuze mu itangazo ko “Hersh yari mu bantu batagira icyo bazira bishwe nabi ubwo bari bitabiriye iserukiramuco ry’umuziki ry’amahoro muri Israheli ku ya 7 Ukwakira”.
“Yatakaje ukuboko kwe agerageza gufasha inshuti n’abagenzi be igihe habaga ubwicanyi bw’agahomamunwa bwa Hamas. Yari amaze kugira imyaka 23 gusa. Yari afite gahunda yo kuzenguruka isi.
Namenyanye n’ababyeyi be, Jon na Rachel. Bari abantu b’intwari, b’abanyabwenge kandi b’inyangamugayo, nubwo banyuze mu bihe bitakumvikana,” Perezida Biden niko yavuze.
Ingabo za Israheli zatangije ibikorwa by’intambara muri Gaza bigamije kurimbura Hamas mu rwego rwo kwihorera ku gitero kitigeze kibaho cyagabwe ku majyepfo ya Israheli ku ya 7 Ukwakira, aho abantu bagera ku 1,200 bishwe abandi 251 barashimutwa.
Abantu barenga 40,738 bamaze gupfa muri Gaza kuva icyo gihe, nk’uko bivugwa na minisiteri y’ubuzima iyobowe na Hamas muri ako karere.
Abahuza ba Amerika, Misiri na Qatar barimo kugerageza gukora amasezerano yo guhagarika intambara, arimo ko Hamas yarekura abashimuswe 97 bakiriho – harimo byibuze 33 bikekwa ko bashobora kuba barapfuye – mu gihe basaba impunzi z’Abarabu n’Abanyapalestine bafungiye muri za gereza za Israheli.
Ibi bibaye mu gihe ibikorwa byo gukingira abana ku ndwara ya polio bihagarariwe na Loni bigeze mu mpera muri Gaza, nyuma y’uko iyo ndwara ishobora guhitana abantu yabonetse mu bisubizo by’amazi yanduye byasuzumwe mu ntangiriro z’uku kwezi.
Hari ibikorwa “by’agahenge k’ubutabazi” bitatu byo guhagarika intambara – byatangiye ku Cyumweru – byemeranyijwe hagati ya Israheli na Hamas kugira ngo inzego zishinzwe ubuzima zibashe gukingira abana bagera ku 640,000 bari munsi y’imyaka 10.
Icyo gikorwa gitangiye ubwo nyuma y’imyaka irenga 25 icyo cyorezo cyabonetse ku mwana w’umwaka umwe w’Umunyapalestina mu kwezi gushize.
About The Author
Related posts:
Ukraine: Abagororwa bagiye kwifashishwa mu ntambara
Senegal: Imfungwa zakamejeje mu myigaragambyo yo kwiyicisha inzara
Agahinda ka Nzovu kuri Dorimbogo wagiye atamuhuje n’umugore batandukanye nkuko yari yarabimusezeranyije
Urubyiruko rusaga 46% nta makuru ruba rufite ku igenamigambi ry’Igihugu
Rusizi-Nyamasheke: Inkaka y’ihene yahindutse imari ishyushye
RDF iri kwandika abifuza kujya mu gisirikare ku rwego rw’Inkeragutabara
Autriche: Restaurant yateje impagarara kubera kwishyuza abakeneye isahani ya kabiri
M23 yigaruriye agace ka Kikuvo nyuma yo guterwa na kajugujugu
