Leta ya Israel yahakanye amakuru yavugaga ko iteganya gukura ingabo zayo ku mupaka uhuza Intara ya Gaza muri Palestine na Misiri, nka kimwe mu bigize amasezerano hagati yayo n’umutwe witwaje intwaro wa Hamas.
Ikinyamakuru Kan 11 cyo muri Israel ni cyo cyari cyatangaje aya makuru kuri uyu wa 21 Kanama 2024, gisobanura ko iki cyemezo cyafashwe na Minisitiri w’Intebe, Benjamin Netanyahu.
Leta Zunze Ubumwe za Amerika, Qatar na Misiri biri kugerageza guhuza Israel na Hamas, kugira ngo impande zombi zihererekanye imbohe zafashwe kuva mu Ukwakira 2023.
Hamas yatangaje ko itazemera ibyo Israel isaba mu gihe ingabo zayo zitava mu muhora wa Philadephia n’uwa Netzarim yegereye Misiri.
Ibiro bya Minisitiri w’Intebe wa Israel byasubije biti “Inkuru ya Kan 11 ivuga ko Minisitiri w’Intebe Netanyahu yemeye ko Israel izava mu muhora wa Philadelphia, ntabwo ari ukuri. Israel izakomeza iharanira kugera ku ntego zemejwe na guverinoma, zirimo gutuma Gaza itongera kuba ikibazo ku mutekano wayo.”
Israel ikomeje kugaba ibitero muri Gaza, isobanura ko igamije gusenya Hamas. Minisiteri y’Ubuzima muri iyi ntara, tariki ya 20 Kanama yatangaje ko kuva mu Ukwakira 2023 hamaze gupfa abantu barenga ibihumbi 40.
About The Author
Related posts:
Zelensky anticipates “significant decisions” about Ukraine at the G7 meeting.
HUYE: Urubyiruko rwatoye bwambere rurifuza ko burijwi ryaba iry’umumaro
The Central African Republic awards the Presidential Medal to Rwandan Peacekeepers
ASIA: Bangladesh calls for the military and imposes a curfew as turmoil persists.
Arthémon Simbananiye inaribonye muri politike y’i Burundi yitabye Imana
Kamala Harris yavuze ko Israel igoma gukomeza kwirwanaho mu ntambara irimo na Hamas
Imbumbe y’imishahara mishya y’abayobozi bashya muri Guverinoma
M23 irashinja Leta ya RDC kubasagarira mu gihe cy’agahenge
