Amakuru aturuka muri Repubulika Iharanira Demokarasi ya Congo aravuga ko Joseph Kabila Kabange wahoze ari Perezida w’iki gihugu yaba aherutse kwakirwa i Bruxelles mu Bubiligi.
Kuri ubu amezi arakabakaba ane nta wuca iryera uyu mugabo wayoboye RDC imyaka 18, nyuma y’uko ubutegetsi bwa Kinshasa butangiye kumushinja ibyaha by’uko yaba akorana n’umutwe wa M23 urwanya ubutegetsi bwabwo.
Perezida Félix Antoine Tshisekedi mu kiganiro yagiranye na Top Congo FM ari mu bashimangiye ko Kabila ari we uri inyuma y’ihuriro AFC ryibumbiyemo imitwe irimo M23.
Mbere y’aho Augustin Kabuya wahoze ari Umunyamabanga Mukuru w’Ishyaka UDPS riri ku butegetsi na we yari yashinje Kabila ibirego nka biriya, mu gihe muri Mata uyu mwaka Christophe Lutundula wahoze ari Minisitiri w’Ububanyi n’Amahanga yamuburiye ko ashobora gutabwa muri yombi.
Amakuru avuga ko uyu mugabo yaba yarahungiye muri kimwe mu bihugu byo mu majyepfo ya Afurika.
Ku wa Kane tariki ya 12 Nzeri ngo ni bwo yaba yarakiriwe i Bruxelles, nk’uko amakuru aturuka ku masoko atandukanye abivuga.
Kugeza ubu ibyo Joseph Kabila yaba yaraganiriye n’abategetsi b’u Bubiligi ntibiramenyekana.
Icyakora amakuru avuga ko Bruxelles yamaze gutakariza Perezida Tshisekedi icyizere, bityo ikaba yatangiye gutegura uko yamusimbuza Kabila.
About The Author
Related posts:
DRC: Abandi basirikari 16 bakatiwe urwo gupfa
Amerika: Umusaza yagiye gushyingura umwuzukuru we nawe apfira ku irimbi
Venezuela: amajwi yagateganyo arashyira imbere Nicolás Maduro gusa ntabwo biri kuvugwaho rumwe
Maniriho wakoze ubukwe yambaye ibirango bya FPR yatangaje icyabimuteye
HUYE: Babiri bakomereye mu mpanuka
Rusizi: Abana 2 bahiriye mu nzu bitewe na buji barakongoka
Rusizi: Umugabo arakekwaho urupfu rw’umugore we wasanzwe mu ishyamba yaciwe umutwe
Inzira y’amahwa Abanyarwanda banyura bagerageza kwinjira muri Amerika mu buryo butemewe
