Abapolisi batanu bo muri Kenya bagejejwe imbere y’urukiko bakekwaho gutorokesha abantu 12 b’Abanyaritereya ndetse na Collins Jumaisi, ukekwaho ubwicanyi yakoreye abagore 42 harimo nuwe, akajugunya imirambo yabo mu kimoteri kimenwamo imyanda.
Ubashinjacyaha bwasabye urukiko ejo ku wa 21 Nyakanga gufunga abo bapolisi bari mu kazi ku wa 20 Kanama ubwo abo bagabo batorokaga kugira ngo hakorwe iperereza ku ruhare bakekwaho.
Collins yatawe muri yombi mu kwezi gushize nyuma y’aho abaturage babonye mu kimoteri cyo mu gace ka Kware mu Murwa Mukuru wa Kenya, Nairobi, imirambo myinshi y’abagore yari izirikiye mu mashashi.
Umuyobozi Mukuru w’Urwego rushinzwe Iperereza, Amin Mohamed, yatangaje ko Collins uwo mugabo ukurikiranyweho ubwicanyi yafatiwe mu gace ka Kayole i Nairobi, mu rukerera rwo ku wa 15 Nyakanga 2024.
Ubwo yari amaze gufatwa, abashinzwe iperereza bakomereje mu rugo rwe, basangamo udukarita 24 twakuwemo imirongo ya telefone, telefone umunani, mudasobwa, amashashi 12, agakoresho bambika ikiganza n’amapantalo abiri y’abagore.
Amin yagaragaje ko Collins ashobora kuba ari umwicanyi ruharwa cyane ko aba bagore bose yabishe mu buryo bumwe.
About The Author
Related posts:
RIB yataye muriyombi abarimo abapadiri babiri bakurikiranyweho urupfu rw’umunyeshuri
Urukiko rw’Ubujurire i Kigali mu Rwanda rwategetse ko Wenceslas Twagirayezu afungwa imyaka 20
Uwibye Channel ya YouTube ya Yago yakatiwe imyaka ibiri isubitse
Rwema wamenyekanye kuri Youtube yatawe muri yombi
Thomas Kwoyelo wahoze ari umuyobozi muri LRA yahamijwe ibyaha 44 by’intambara
Uwari ku rutonde rw’Abadepite akurikiranweho icyaha cya Jenoside
ICC yasabye ko impapuro zo guta muri yombi abayobozi ba Israel na Hamas zakwihutishwa
CEO wa Telegram, Pavel Durov, Yajyanywe mu Rukiko rw’i Paris
