Abaturage 12 bikekwa ko banyoye ubushera mu Mudugudu wa Kagese, AKagari ka Gasheshe, Umurenge wa Masaka,mu Karere ka Kicukiro, barembeye mu Bitaro nyuma yo kunywa ikigage bikekwa ko buhumanye.
Ibi byabaye ku cyumweru tariki ya 21 Nyakanga 2024, ubwo mu rugo rwa Mpayimana Olivier, yasuwe na sebukwe , bamuzanira ibinyobwa birimo ikigage n’ubushera nawe atumira abaturanyi.
Uyu muryango nyuma y’ibirori, mu masaha ya mu gitondo cyo kuri uyu wa mbere tariki ya 22 Nyakanga 2024, nibwo bamwe mu bari banyoye kuri ibyo binyobwa byatangiye kubagwa nabi .
Umuvugizi w’Umujyi wa Kigali, Emma Claudine Ntirenganya , yabwiye itangazamakuru ko kuri ubu abantu 12 mu bantu 26 bari baguwe nabi n’ubwo bushera ari bo barwariye mu Bitaro bya Masaka.
Yagize ati “ Bagize ikibazo ari abantu 26, bakaba bafashwe baribwa mu nda, bafite kuruka n’umuriro mwinshi. 12 bari bajyanywe ku Bitaro bya Masaka, bakaba batubwira ko bari koroherwa.”
Emma Claudine Ntirenganya avuga ko hari gukorwa isuzuma kuri ubwo bushera ngo hamenywe niba bwari buhumanye.
Agira inama kandi abaturage kwita cyane ku isuku y’ibiribwa n’ibinyobwa mu gihe babitunganyiriza mu rugo kandi bakirinda gusangira ku muheha.
About The Author
Related posts:
USA: Could the US benefit from the international student backlash elsewhere?
Perezida Kagame yihanganishije Abaturage ba Ethiopia bibasiwe n’ibiza
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
Chris Brown n’itsinda rye bari mu mazi abira
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
25/07 mu mateka ya Ruhago: Copa América yatashye i Brasília naho rutahizamu Kevin Phillips abona izuba
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Byaba byiza umenye impamvu ukomeza kugira umubyihuho ukabije!
