Niyonshuti Yannick wamamaye muri filime Nyarwanda nka Killaman, yiyemeje guhindurira ubuzima Nyagahene wakanyujijeho muri filime Nyarwanda zo hambere none ubu akaba ari aho umwanzi yifuza.
Ku mbuga nkoranyambaga zitandukanye hari hamaze iminsi hacaracara amashusho ya Nyagahene wakanyujijeho muri filime Nyarwanda zo hambere, aho yumvikanaga atakambira abantu ko bamuha ubufasha kuko abayeho nabi.
Muri ayo mashusho Nyagahene yavugaga ko ubu abayeho mu buzima bubi cyane, aho asigaye agenda nta nkweto yambaye, ndetse akaba afite ipantaro imwe n’umupira umwe ahoramo buri gihe kuko nta yindi myenda agira.
Nyagahene akaba yarasabaga uwamufataga aya mashusho ko yamugeza ku bantu babasha kumva ubuzima ari gucamo bugoye bakaba bamufasha, kuko kuba yaza kuri camera agasaba ubufasha atari ibintu bisanzwe kuri we.
Killaman abinyujije kuri Instagram ye nyuma yo kubona aya mashusho, yasabye ko uwabasha mumubonera Nyagahene yabahuza akamuhindurira ubuzima.
Yavuze ko umuntu nka Nyagahene watanze ibyishimo atagakwiye kubaho gutyo.
Ati “Mumunshakire amateka ahinduke! Ntibyagakwiye nk’umuntu twakuze dufana.”
Killaman wanyuze mu buzima bushaririye cyane, avuga ubu ikintu cya mbere atinya ari ubukene kuko azi uko biba bimeze iyo nta mafaranga ufite, ariyo mpamvu akunze kugaragara mu bikorwa byo gufasha abakene n’abatishoboye mu buryo bumwe cyangwa ubundi.
Iyo ufite imbaraga Killaman ashobora kugaha akazi, bikaba akarusho iyo ufite impano yo gukina filime kuko ahita akwinjiza muze atambutsa kuri shene ze za Killaman Empire na Big Mind comedy.
About The Author
Related posts:
Hamenyekanye abahanzi bazahurira ku rubyiniro na Sheebah Karungi i Kigali
Juno Kizigenza, DJ Pius, DJ Higa&Rusam bagiye gutaramira i Karongi.
Bien-Aimé yakomoje ku nzozi yahoranye zo gukorana indirimbo n’Umunyarwanda.
Rema aravugwa mu rukundo n’ikizungerezi.
inkuru mbi Valentine wamenyekanye cyane nka DORE IMBOGO yamaze gushiramo umwuka.
Israel Mbonyi yipfunyikiye impamba mu gitaramo ari gutegura i Nairobi.
Mr P yanze kuripfana ku magambo ya Rudeboy.
Jonathan Roumie ukina ari Yesu muri filime ‘The Chosen’ ari i Kigali.
I don’t think the title of your article matches the content lol. Just kidding, mainly because I had some doubts after reading the article.
Thanks for sharing. I read many of your blog posts, cool, your blog is very good.