Mu nkambi ya Mahama iherereye mu Burasirazuba bw’u Rwanda mu karere ka Kirehe, harimo ishuri rifite umubare munini cyane w’abanyeshuri kurusha andi mashuri yose mu gihugu. Kubera ubwinshi bw’abaryigamo, babangamirwa n’ubucucike ndetse no kubura iby’ibanze byatuma biga neza.
Iyi nkambi ya Mahama icumbikiye impunzi zisaga ibihumbi 63, aho abagera ku bihumbi 40 ari Abarundi abandi bakaba abakongomani, abahunze baturutse Sudan ndetse na Pakistan. Bitangazwa ko hafi 51% by’abayituye ari abana bari munsi y’imyaka 18.
Ishuri ryitwa G.S Paysannat L, rigabanyijemo ibigo bitanu aho buri kimwe gifite umuyobozi. Ni ikigo gifite abanyeshuri basaga ibihumbi 25 mu byiciro byose; muri bo abarenga ibihumbi 20 ni impunzi. Iri shuri ryigwamo n’Abanyarwanda basaga ibihumbi 5.
Abanyeshuri b’impunzi baryigamo bagaragaza ko bagorwa n’imyigire bitewe n’impamvu zinyuranye. Kwiga ari benshi mu cyumba cy’ishuri ni kimwe mu bishyirwa mu majwi ko bikwiye gushakirwa igisubizo kirambye.
Hari aho bisaba kuzinduka cyane ngo babone ibyicaro, bitaba ibyo umunyeshuri akiga yicaye hasi cyangwa se abyigana ku ntebe na bagenzi be.
Uretse kuba hari iki kibazo cy’ubucucike bukabije bw’abanyeshuri aho buri cyumba cy’ishuri gifite byibuze abasaga 100. Impunzi zivuga ko zifite n’ikibazo cyo kwiga hagendewe ku nteganyanyigisho y’uburezi bw’u Rwanda ikoresha icyongereza n’ikinyarwanda, bitandukanye n’uko iwabo bigaga ndetse bikazabagora nibataha.
Bamwe mu babyeyi b’impunzi bavuga ko kutagira ibikoresho birimo amakaye n’imyenda y’ishuri ku bana babo biri mu bituma batiga batekanye. Ni nyuma y’uko ikigo cy’Umuryango w’Abibumbye gishinzwe impunzi (UNHCR) cyagabanyije inkunga ihabwa impunzi, aho bamwe nta nkunga bakibona.
Aba babyeyi batandukanye baganiriye na BBC, bumvikana basaba ko abana babo bafashwa kujya babona ibikoresho by’ishuri birimo n’imyambaro, kuko ngo ubuzima bw’ubuhunzi butaboroheye.
Ku ruhande rw’abarimu bo bavuga ko bibagora kwigisha abanyeshuri basaga 100 mu cyumba kimwe, ndetse baturutse ahantu hatandukanye. Gusa ariko bifashisha uburyo bw’amatsinda kugira ngo byorohe kubaha amasomo. Ni mu gihe kandi hari abiga mu gitondo abandi nyuma ya saa sita.
Abarimu kandi bagira uruhare mu kumenya ahakenewe ingufu mu gukemura ibibazo abanyeshuri baba bafite bijyanye n’amateka y’iwabo, bityo bakabasha kwiga mu mudendezo.
Sebisogo Jean Paul uyobora kimwe mu bigo bya G.S Paysannat L, avuga ko n’ubwo hari izo ngorane zose ariko abanyeshuri batsinda ibizamini by’igihugu ku buryo bushimishije.
Uyu muyobozi akomeza yemeza ko bakigowe no kugira umubare w’abarimu n’ibyumba bidahwanye n’umubare munini w’abanyeshuri bafite uhereye ahagana muri 2016. Hakiyongeraho n’ibura ry’ibindi bifasha mu myigire inoze nka za mudasobwa na laboratwari n’amasomero.
Lilly Carlisle, umuvugizi w’Ikigo cy’Umuryango w’Abibumbye gishinzwe Impunzi mu Rwanda, yatangaje ko bakomeje gufasha impunzi mu bikorwa bitandukanye. Yemeza ko muri 2024 habayeho impinduka ku bigenerwa impunzi, ku buryo zibona nk’ibyagenerwa umuturage usanzwe.
Ku kijyane na gahunda y’uburezi, uyu muyobozi avuga ko bagikomeje guhangana no kugabanya ubucucike mu mashuri y’impunzi hibandwa ku kubaka ibyumba by’amashuri byinshi hirya no hino. Biteganyijwe ko ubucucike buzagera ku banyeshuri 70 mu cyumba buvuye kuri 90.
About The Author
Related posts:
MoMo Rwanda has launched the DusangireLunch campaign to help boost school feeding program.
RWANDA: Prior to an election, politicians outline a few HE priorities.
NIGERIA: What drives female college students to engage in sexual labour?
NETHERLANDS: Academic institutions have threatened to sue over anticipated budget cuts.
USA: Could the US benefit from the international student backlash elsewhere?
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
Uko amafaranga afasha abanyeshuri ba Kaminuza yakongerwa bijyanye nuko hanze aha ibintu bimeze
Students in Bangladesh swear to carry on protesting unless leaders are freed.
Can you be more specific about the content of your article? After reading it, I still have some doubts. Hope you can help me. https://www.binance.com/ka-GE/register?ref=RQUR4BEO