Ingabire Butera Jeanne uzwi nka Knowless mu muziki yatanze ubuhamya bw’ukuntu FPR-INKOTANYI na Chairman wayo, Paul Kagame, bamugaruririye ubuzima ubwo yaragowe no kubaho kubera Jenoside yakorewe Abatutsi mu 1994 n’ingaruka zayo.
Yabitangaje kuri uyu Gatandatu tariki 6 Nyakanga 2024, kuri site ya Kindama mu Murenge wa Ruhuha mu Karere ka Bugesera aho Umuryango FPR-INKOTANYI wari wakomereje ibikorwa byo Kwamamaza, Paul Kagame, umukandinda ku mwanya wa Perezida wa Repubulika y’u Rwanda.
Ingabire Butera Jeanne uzwi nka Knowless niwe watanze ubuhamya bw’uburyo Umuryango FPR-INKOTANYI wafashishe igihugu.
Yatangiye avuga ko atabona aho ahera n’aho agarukira avuga ibigwi bya Paul Kagame.
Yatanze ubuhamya bw’uburyo Jenoside yakorewe Abatutsi mu 1994, yamutwaye benshi mu muryango, agasigarana n’abantu babiri barimo na mama we.
Nyuma na Mama we yaje gupfa asigarana n’umuvandimwe we nawe kandi ari muto, ubwo aba afashe inshingano zo kumurera
Knowless yavuze ko bari bagowe no kubaho, gusa ngo umuvandimwe we yaje kubona akazi ku bwarimu kure, akagenda nka Saa cyenda z’Ijoro akagaruka bitinze yamusize mu kazu bitaga ‘ikibahima’ kubera ko ngo kabarutiraga kuba hanze.
Ati “Yaransigaga nijoro akagaruka bitinze, akansiga muri ka kazu twitaga ikibahima kubera ko katurutiraga kuba hanze.”
Knowless yavuze ko yagiraga ubwoba, nyuma azakwiga amayeri ‘Technique’, yo kujya asakuza amanywa n’ijoro kugira ngo hatazagira umugirira nabi cyangwa inyamaswa.
–
Yaje kwinjira mu buhanzi, abonamo amafaranga yise ‘Akantu’ ndetse aza no kujya kwiga icyiciro cya gatatu cya Kaminuza ‘ Masters Degree’ abifashijwemo na Guverinoma y’u Rwanda
Knowless yavuze yakuranye ikifuzo cyo kuzubaka inzu yisanzuye imwibagiza cya ‘kibahima’ yakuriyemo, nibwo we n’umugabo we bagiye gutura Karumuna mu Bugesera bahukaha inzu.
Knowless ashingiye ku buhamya bwe yavuze ko Abanyarwanda bose by’umwihariko urubyiruko igikumwe cyabo kiri tayari tariki ya 15 Nyakanga.
Ati ” yaradutindiye.”
Knowless yavuze ko atabona uko ashimira FPR-INKOTANYI na Chairman wayo Paul Kagame kubera uburyo bareze abana bari bato badafite icyerekezo.
Ati ” Mwaratureze turakura. Tuvamo abantu bakuru, bazima aribo ba twebwe. Twarashibutse, natwe twagize utundi twana. Utwana twacu ubu iyo turi kuririmba ntabwo turirimbishwa n’agahinda, turirimbishwa n’ibyishimo.”
Yongeraho ati “Nta ’stress’ bafite kuko babona icyizere mu babyeyi babo, mwarakoze cyane.”
Knowless yavuze ko iyo batekereje ku bintu byose Paul Kagame yabakoreye bumva bafite umwenda munini batabona uko bawishyura.
Ati “Nk’urubyiruko, ikintu twabizeza ni uko turi bato batari gito. Ahantu aho ariho hose muzashingura ibirenge, muradufite kuri ubu n’igihe kizaza.”
Si Knowless gusa uhamya ibyiza bya FPR-Inkotanyi kuko na Divin Uwayo wakuriye akaniga i Bugesera yahamije ko Paul Kagame yahinduye aka Karere kari karahejwe, mbere ya Jenoside yakorewe Abatutsi kuri politiki y’ivangura yarangaga Leta yari iriho.
Uwayo yavuze ko mu mikurire ye, buri mwana wavukaga mu Bugesera yagombaga kumenya igare kugira ngo abone uko azenguruka amavomo yose kugira ngo babone amazi.
Uwayo yashimiye Perezida Kagame uburyo yagejeje amazi meza mu Bugesera ndetse n’ibindi byinshi.
Ati “Ndibaza nti igipindi cy’Inkotanyi bavuga cyaduhaye amazi, kikaba kigiye kuzuza ikibuga cy’indege cya Bugesera […] ubwo icyo gipindi ntitugikeneye mu myaka itanu iri imbere? Niba ari icyo gipindi cy’Inkotanyi bavugaga turacyagikeneye.”
Biturutse kuri byinshi FPR-INKOTANYI yakoze, abaturage bo mu Karere ka Bugesera bahamije ko bakiyineye no mu bihe biri imbere.
About The Author
Related posts:
“UKO KWIYAMAMAZA BYAGENZE” Umukandida wa FPR Inkotanyi yahaye Urubyiruko rw’Inyamagabe Umukoro
Congo: Abasirikari 25 bakatiwe urwo gupfa nyuma y’uko bahunze urugamba!
Rusizi: Umukobwa w’imyaka 27 yapfiriye mu kabari
Abadipolomate baravugwaho gukina urusimbi muri ambasade ya Dubai i Kampala
Umuganura ni iki? Sobanukirwa byinshi wibaza kuri uyu muhango umenye n’uko kera wizihizwaga
Venezuela: Perezida Maduro yavuze ko atifuza WhatsApp mu gihugu cye
Clashes in Western Sudan resulted in at least 28 deaths and 46 injuries.
‘Kubohora umugabane wa Afurika wose’ Isomo Muhoozi yigiye kuri Fred Rwigema
