Soma inkuru ibanza DRC: M23 na FARDC mu mishyikirano i Kampala
Leta ya Uganda irahamya ko yakiriye imishyikirano ya Leta ya Repubulika Iharanira Demokarasi ya Congo n’ihuriro AFC ribarizwamo umutwe wa M23, n’ubwo Leta ya Congo yo ibihakana.
Amakuru aturuka i Kampala na Kinshasa avuga ko iyo mishyikirano yatangiye ku wa Mbere tariki ya 22 Nyakanga, ku buhuza bwa Perezida Yoweri Kaguta Museveni na Uhuru Kenyatta wahoze ari Perezida wa Kenya.
Minisitiri w’Itangazamamukuru n’Itumanaho wa RDC akanaba umuvugizi wa Guverinoma y’iki gihugu, Patrick Muyaya, ku wa Mbere yanditse ku rubuga rwe rwa X ko “nta ntumwa RDC yohereje i Kampala kugirana ibiganiro ibyo ari byo byose n’ibyihebe bya M23”.
Icyakora umwe mu bakozi bo mu biro bya Perezida Yoweri Kaguta Museveni yabwiye Ibiro Ntaramakuru AFP by’Abafaransa ko “intumwa zo mu rwego rwo hejuru zaturutse muri guverinoma ya RDC na M23/AFC ziteraniye i Kampala mu rwego rwo kugarura amahoro muri RDC”.
Kampala kandi iremeza ko Abbé Bahala Okw’Ibale Jean Bosco usanzwe ari umuhuzabikorwa wa gahunda ishinzwe kwambura intwaro imitwe yitwaje intwaro ndetse no gusubiza mu buzima busanzwe abahoze ari abarwanyi bayo (P-DDRCS) ari we uyoboye intumwa za Leta ya Congo.
Mu ntumwa za M23 havugwamo abarimo René Abandi na Colonel Imani Nzenze uri mu basirikare bakuru b’uyu mutwe.
Bahala wanahoze ari umuyobozi w’Inama Nkuru y’Itangazamakuru n’Itumanaho muri RDC kimwe na Muyaya, na we ahakana ko atigeze ahura n’abantu bo muri M23; n’ubwo ngo hari abashakaga kumuhuza na bo ku ngufu.
Yabwiye ikinyamakuru ACTUALITE ati: “Ntabwo nigeze mpura n’abantu bo muri M23, misiyo yanjye yasobanuwe neza mu rwego rwa DDRRR. Minisitiri w’itumanaho na we yabisobanuye neza. Indyarya zashakaga kwifashisha kuba ndi i Kampala kugira ngo zanduze isura yanjye ndetse n’iya guverinoma, nyamara tutarigeze tugirana imishyikirano itaziguye n’ibyihebe bya M23.”
Uyu yemeje koko ari i Kampala, gusa avuga ko yajyanweyo n’indi gahunda yerekeye gucyura abana b’abanye-Congo barekuwe n’inyeshyamba za LRA muri Centrafrique.
About The Author
Related posts:
USA: Could the US benefit from the international student backlash elsewhere?
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Repubulika iharanira demokarasi ya Congo igiye gutangira kuburanisha Corneille Nangaa wa AFC/M23 na bagenzi be
Kigali: Abaturage 12 bajyanwe mu bitaro nyuma yo kunywa ubushera
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
Arthémon Simbananiye inaribonye muri politike y’i Burundi yitabye Imana
DRC: Sultan Makenga ,Corneille Nangaa na Willy Ngoma batangiye kuburanishwa ku byaha byo kugambanira igihugu
“Abanyagitugu n’abami ntabwo ari bo bayobora Amerika” Biden avuga impamvu yaretse kwiyamamaza
