Umudepite wari umaze igihe kinini muri Leta Zunze Ubumwe za Amerika, Sheila Jackson Lee wo muri Texas, wafashije kuyobora ingamba za leta zo kurinda abagore ihohoterwa rikorerwa mu ngo no guharanira ko umunsi uzwi nka Juneteenth wizihizwa ku wa 19 Kamena mu rwego rwo kwibuka kwibohora kw’abacakara muri Amerika Uba umunsi w’ikiruhuko mu gihugu, yapfuye. Yari afite imyaka 74.
Lillie Conley, wari umuyobozi mukuru w’abakozi be yemeje ko Jackson Lee, wari urwaye kanseri y’urwagashya yapfiriye i Houston ku wa Gatanu akikijwe n’umuryango we.
Uyu mudemokarate yahagarariye akarere ke akomokamo ka Houston ndetse n’umujyi wa kane mu bunini mu gihugu kuva mu 1995 nk’uko iyi nkuru dukesha Ibiro Ntaramakuru by’Abanyamerika (AP) ivuga.
Yabanje kurwara kanseri y’ibere kandi atangaza ko yasanzwemo na kanseri y’urwagashya ku wa 2 Kamena. Icyo gihe Jackson Lee yagize ati: “Inzira iri imbere ntizoroha, ariko nizeye ko Imana izankomeza.”
Kuri uyu wa Gatandatu, Perezida Joe Biden yagize ati: “Lee yari” umuntu ukomeye muri politiki yacu. ” “Buri gihe nta bwoba, yabwizaga ukuri ubutegetsi kandi akagaragaza imbaraga z’abaturage bo mu karere ke ka Houston mu cyubahiro n’ubuntu.”
About The Author
Related posts:
NGORORERO: Abantu 5 bahitanywe n’inkuba
Drone za Ukraine zatwitse Ibigega bya Peteroli mu Burusiya
Yago mu mujinya mwinshi yakije umuriro kuri Irene Murindahabi amubwira ko yirirwa atera abakobwa babandi amada!
TANZANIA: Padiri akurikiranyweho kwiba asaga miliyari
Rev Pasiteri Dr Antoine Rutayisire yanyomoje abavuze ko yakoze impanuka
Israel yagabye ibitero by’indege mu duce icumi two muri Liban
Tanzania: Ishyaka ’ Chadema’ rirashinja Leta kunyereza abayoboke baryo barenga 200
Kamonyi: Abantu 40 barozwe barimo kwitabwaho n’abaganga
