Umutwe wa M23 ku Cyumweru washinje Igisirikare cya Repubulika Iharanira Demokarasi ya Congo (FARDC) kuvogera ikirere cy’uduce ugenzura cyifashishije indege yacyo y’intambara.
M23 yemeje ayo makuru mu itangazo ryasohowe n’Umuvugizi wayo ari na we uvugira ihuriro Alliance Fleuve Congo.
Yavuze ko “turamenyesha rubanda ko indege y’ubutegetsi bwa Kinshasa yavogereye ikirere cyacu muri iki gitondo cyo ku Cyumweru tariki ya 25 Kanama 2024”.
M23 yavuze ko ibyabaye bigize “kwica agahenge ndetse n’ubushotoranyi butemewe”, itangaho umuryango mpuzamahanga ndetse n’abanye-Congo.
Indege ya FARDC umutwe wa M23 uvuga ko yavogereye ikirere cyawo ni kajugujugu yagaragaye i Bunagana ku Cyumweru tariki ya 25 Kanama, mbere yo kuraswaho igahungira muri Uganda.
Kuva mu gitondo cyo ku Cyumweru kandi imirwano ikomeye yasakiranyije FARDC na M23 mu gace ka Kirumba ho muri Teritwari ya Lubero ndetse no mu nkengero zako.
M23 nyuma yo kugabwaho ibitero yamaganye kuba Ingabo za RDC zarishe agahenge kamaze igihe hagati y’impande zombi, yiyemeza ko igomba gukomeza kurinda abasivile bo mu duce igenzura mu buryo bw’umwuga.
About The Author
Related posts:
Mugihugu cya Kenya Umupolisi yarasiwe murukiko!
ESTONIA: Minisitiri w’Intebe yeguye
Polisi yagose ibiro by’ishyaka rya Bobi Wine.
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Nigeria : Urubyiruko ruravuga ko ntankomyi nimwe iza kurubuza kwigaragambya
Tshisekedi yagiye mubitaro i Bruxelles
#Kurahira2024: Abanyarwanda baturutse hirya no hino mu Gihugu bamaze kugera muri Stade Amahoro
Hasohowe Raporo ishinja Perezida Ndayishimiye kubuza amahwemo abantu no kubafungira ubusa
