Nyuma y’amasaha make y’imirwano, inyeshyamba za M23 zigaruriye agace ka Kikuvo, umudugudu wo muri Teritwari ya Lubero nyuma yo kugabwaho igitero na kajugujugu.
Aka gace ka Kikuvo n’ubundi mu minsi ishize byari byatangajwe ko kigaruriwe na M23 ariko ntihatangajwe igihe yakaviriyemo.
Ahagana saa 8h20, kajugujugu ifite ibara rya gisirikare yagabye igitero ku nyeshyamba za M23 i Bunagana. Iyi ndege itaramenyekana neza ngo yavuye mu gihuru kiri ku butaka bwa Congo hanyuma irengera mu kirere cya Uganda ihunga amasasu, nk’uko amakuru aturuka i Bunagana abitangaza.
M23 yamaganye “kuvogera ikirere cyayo”,kwakozwe na Kinshasa mu gihe ivuga ko yubahiriza agahenge.
Abinyujije kuri X, Perezida wa M23, Bertrand Bisimwa yagize ati: “Ubutegetsi bwa Kinshasa ntabwo bwigeze buhindura imyifatire y’intambara, bwifashishije ihagarikwa ry’imirwano kugira ngo bwongere bwisuganye, butekereze kandi bwongere gupanga ingabo zabwo, kubona ibikoresho bishya no gutangiza intambara”.
Yavuze ko mu masaha 48 ashize, ihuriro ry’ingabo z’ubutegetsi bwa Kinshasa ryajyanye ingabo nshya n’ibikoresho bishya bya gisirikare ku murongo w’imbere w’urugamba, harimo n’abasirikare bayo bari bafunzwe n’urukiko rwa gisirikare i Butembo bazira guhunga bahise basubizwa ku rugamba ku wa Gatanu, itariki 23 Kanama 2024.
Ngo muri icyo gihe kandi ” bohereje abasirikare gucengera mu bice tugenzura no kugaba ibitero ku birindiro byacu no mu turere dutuwe cyane mu bice tuyobora.”
Yongeyeho ko indege ya leta ya gisirikare yazengurutse mu kirere bagenzura kugera hejuru y’Umujyi wa Bunagana.
Aya makuru kandi yemejwe n’Igisirikare cya Repubulika ya Demokarasi ya Congo (FARDC), cyemeje ko imirwano yubuye hagati yacyo na M23 kuri iki Cyumweru.
About The Author
Related posts:
RIB yataye muriyombi abarimo abapadiri babiri bakurikiranyweho urupfu rw’umunyeshuri
Knowless yahamije ko Kagame yahaye Abanyarwanda ubuzima
Rwanda and Italy have signed a £50 million agreement to finance climate projects.
Abaryamana bahuje ibitsina barasaba kudahezwa mu burezi
Burundi: Batatu bapfiriye mu mirwano y’abapfaga umukobwa
Perezida Kagame yihanganishije Abaturage ba Ethiopia bibasiwe n’ibiza
Two people are killed by an Israeli strike in southern Lebanon.
Ingabo za Ukraine zafashe Umujyi wa Sudzha mu Burusiya
