Minisitiri w’Uburezi, Gaspard Twagirayezu, yasuye ibigo by’amashuri biri gukosorerwaho ibizamini bya leta bisoza umwaka wa 2023/2024 mu Karere ka Muhanga, asaba abakosozi kutarenganya abana.
Ni uruzinduko rwari rugamije kugenzura niba iyo mirimo iri gukorwa mu buryo bw’umwuga nk’uko bisanzwe.
By’umwihariko ibigo Minisitiri Twagirayezu yasuye ni ibya GS St Joseph Kabgayi na College Marie Reine byose biherereye mu Karere ka Muhanga, ashimira abakosozi ku kazi bakora kandi abasaba gukomeza gukora kinyamwuga.
Kuri GS St Joseph Kabgayi yasuye hari gukosorerwa ibizamini byo mu mashuri abanza, bigakorwa n’abakosozi 515 mu gihe kuri College Marie Reine hari abakosozi 510 bakosora ibizamini byo Cyiciro Rusange.
Minisitiri Twagirayezu yabwiye abo bakosozi ko akazi bakora ari ingenzi kuko bituma hamenywa uko ejo hazaza h’abanyeshuri hameze, bigafasha no mu igenamigambi.
Ati “Mugomba gukosorana ubwitonzi n’ubushishozi kugira ngo hatagira umwana urengana. Abanyeshuri bacu bakoranye umuhate kugira ngo bagere ku cyiciro cyo gukora ibizamini bya leta. Ni inshingano zacu kubaha isuzuma ariko tukanabakosora neza. Nizeye ko ubwitange n’ubunyamwuga bwanyu, buzatuma tubigeraho.”
Uyu muyobozi kandi yasuye ibyumba by’amashuri bitandukanye bikosorerwamo ibizamini bya leta muri ibyo bigo, yihera ijisho uko buri kintu cyose kiri kugenda.
Yaganiriye byihariye n’abakosozi, yumva n’ibitekerezo byabo byafasha gukomeza kunoza akazi bakora, hagamijwe no kuzamura ireme ry’uburezi bw’u Rwanda.
Yakoranye inama kandi n’abayobozi b’amatsinda y’abakosozi, baganira ku ngingo zijyanye no kuzamura ireme ry’uburezi, agaruka ku kamaro k’ubufatanye mu kurinoza.
Yavuze ko gukosora ibizamini bya leta ari ngombwa mu rwego rwo kuzamura ireme ry’uburezi, ashimira ubwitange, ubudacogora n’ubufatanye abakosozi bakomeje kugaragaza mu rwego rwo kukinoza.
Ibizamini bya leta by’umwaka w’amashuri wa 2023/2024 biri gukosorwa n’abakosozi 14 720 bari hirya no hino mu gihugu mu bigo 34.
Ibyo bizamini byakozwe n’abanyeshuri 438 571 barimo abakobwa 241 433 n’abahungu 197 138 bo mu mashuri abanza, icyiciro rusange n’amashuri yisumbuye mu byiciro bitandukanye.
About The Author
Related posts:
NESA yatangaje ko Umwaka w’Amashuri 2024-2025 uzatangira muri Nzeri
amanota y’ibizamini bya Leta agiye gusohoka
MoMo Rwanda has launched the DusangireLunch campaign to help boost school feeding program.
UR Vice Chancellor calls on scholars from the Mastercard Foundation to spearhead change
NIGERIA: What drives female college students to engage in sexual labour?
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
Students in Bangladesh swear to carry on protesting unless leaders are freed.
NESA yatangaje uko ingendo z’abanyeshuri bazasubira ku masomo zizakorwa
