Umugaba Mukuru w’Ingabo za Uganda, Gen Muhoozi Kainerugaba, yatangaje ko ateganya gusura u Rwanda mu minsi mike iri imbere aho ateganya kwitabira umuhango w’irahira rya Perezida Paul Kagame.
Gen Muhoozi usanzwe ari umuhungu wa Perezida Yoweri Kaguta Museveni yemeje ayo makuru abinyujije ku rubuga rwe rwa X.
Yagize ati: “Nejejwe no gutangaza ko vuba aha nzasura u Rwanda, iwacu imuhira ha kabiri. Nzitabira umuhango w’irahira rya Afande Kagame. Nta gushidikanya ko uzaba ari wo birori bikomeye muri Afurika kurusha ibindi muri uyu mwaka. Rukundo Egumeho (rugumeho)!’’
Ku Cyumweru tariki ya 11 Kanama ni bwo Perezida Paul Kagame azarahirira kuyobora u Rwanda muri manda nshya y’imyaka itanu iri imbere, mu muhango uzabera muri Stade Amahoro i Remera.
Ni umuhango witezweho kwitabirwa n’abanyacyubahiro batandukanye bo hirya no hino ku Isi.
Gen. Muhoozi byitezwe ko ashobora kuzaba awuhagarariyemo se Yoweri Kaguta Museveni, yaherukaga mu Rwanda muri Mata 2023. Ni uruzinduko rwasize Perezida Kagame yakiriye ibirori by’isabukuru y’imyaka 49 y’amavuko.
Muri Mutarama na Werurwe 2022 na bwo Muhoozi yari yarasuye u Rwanda mu nzinduko zari mu rwego rwo kuzahura umubano w’u Rwanda na Uganda wari umaze imyaka itanu warazambye.
Uruzinduko rwo muri Werurwe 2022 rwasize Perezida Kagame amwakiriye mu rwuri rwe, amugabira Inyambo.
About The Author
Related posts:
Zelensky anticipates “significant decisions” about Ukraine at the G7 meeting.
KENYA : visi Perezida yasabiye ukuriye ubutasi bw’iki gihugu kweguzwa mu maguru mashya
Musanze: Site zitorerwaho zarimbishijwe mu buryo abaturage babigereranya n’umuteguro w’ubukwe
ASIA: Bangladesh calls for the military and imposes a curfew as turmoil persists.
DRC: Bahala nyuma yo kuva mu mishyikirano ya M23 yahise atabwa muri yombi
Dore Ibihugu 10 Bifite Igisirikare Gikomeye Kurusha Ibindi ku Isi
Donald Trump natsinda amatora Koreya ya ruguru yiteguye kugirana nawe ibiganiro kuntwaro za kirimbuzi
Umuhango w’Irahira rya Perezida Kagame Paul | Tariki 11 Kanama 2024
