Mu mateka Bwa mbere Lionel Messi na Cristiano Ronaldo ntibashyizwe ku rutonde rwa Ballon d’Or

Ku nshuro ya mbere kuva mu mwaka wa 2003, Lionel Messi na Cristiano Ronaldo ntibari mu bakinnyi 30 bahatanira Ballon d’Or y’uyu mwaka.

Ku mugoroba wo ku wa Gatatu tariki 4 Nzeri 2024 ni bwo abategura ibihembo bya Ballon d’Or bashyize hanze urutonde rw’abakinnyi 30 batarimo Lionel Messi na Cristiano Ronaldo bafitite ibi bihembo inshuro nyinshi mu mateka ya ruhago.

Lionel Messi yatangiye kugaragara kuri uru rutonde mu mwaka wa 2005, mu gihe Cristiano Ronaldo yatangiye kugaragaraho mu 2004.

Nubwo atagaragaye kuri uru rutonde, Messi ni we wegukanye iki gihembo inshuro nyinshi kuva cyatangira gutangwa mu 1956. Inshuro zirindwi (2010, 2011, 2012, 2015, 2019, 2021 na 2023).

Ku rundi ruhande, Ronaldo yegukanye iki gihembo inshuro eshanu (2008, 2013, 2014, 2016 na 2017).

Abahabwa iki gihembo batoranywa n’akanama k’abanyamakuru bo muri buri gihugu kiri mu 100 bya mbere ku rutonde rwa FIFA mu bagabo.

Ibirori byo gutanga Ballon d’Or ya 2024 bizaba ku wa Mbere tariki 28 Ukwakira 2024, kuri Théâtre du Châtelet, Mujyi wa Paris mu Bufaransa.

Urutonde rw’abakinnyi 30:

Jude Bellingham (Real Madrid), Hakan Calhanoglu ( Inter Milan), Daniel Carvajal ( Real Madrid), Ruben Dias ( Manchester City), Arten Dovbik ( AS Roma), Phil Foden ( Manchester City), Alejandaro Grimaldo ( Bayern Leverkusen),Erling Haaland ( Manchester City), Mats Hummels ( Brorussia Dortmund), Harry Kane ( Bayern Munchen), Toni Kross ( Real Madrid), Ademola Lookman (Atlanta), Emiliano Martinez ( Aston Villa), Lautaro Martinez ( Inter Milan) Kylian Mbappe ( Real Madrid).

Hariho kandi Martin Odegaard (Arsenal), Dani olmo ( FC Barcelona), Cole Palmer( Chelsea), Declan Rice ( Arsenal), Rodri ( Manchester City), Antonio Rudiger ( Real Madrid), Bukayo Saka ( Arsenal) , William Saliba ( Arsenal), Federico Valverde( Real Madrid), Vinicius Junior( Real Madrid), Vitinha ( Paris Saint Germain), Nico Williams ( Atletico Bilibao), Florian Wirtz( Bayern Leversuken), Granit Xhaka ( Bayern Leverkusen) na Lamine Yamal ( FC Barcelona).

Mike Maignan (AC Milan), Harry Kane (Tottenham), Darwin Nunez (Liverpool), Phil Foden (Manchester City), Sadio Mane (Bayern Munich), Sebastien Haller (Borussia Dortmund), Luka Modric (Real Madrid), Antonio Rudiger (Real Madrid), Cristiano Ronaldo (Manchester United), Kevin de Bruyne (Manchester City), Dusan Vlahovic (Juventus), Virgil van Dijk (Liverpool), Joao Cancelo (Manchester City), Erling Haaland (Manchester City) na Kylian Mbappe (Paris Saint-Germain).

About The Author

Gate of Wise

Gate of Wise empowers you to stay ahead in digital innovation with insightful and accurate news on AI, blockchain, and digital currencies. We also offer smart advertising solutions to seamlessly connect your brand with a tech-savvy and engaged audience.

See author's posts

One thought on “Mu mateka Bwa mbere Lionel Messi na Cristiano Ronaldo ntibashyizwe ku rutonde rwa Ballon d’Or”

Your point of view caught my eye and was very interesting. Thanks. I have a question for you.

Leave a Reply Cancel reply

Rebecca Cheptegei yitabye Imana nyuma y'iminsi mike uwahoze ari umukunzi we amutwikishije lisansi

Thu Sep 5 , 2024

Umukinnyi wasiganwaga ku maguru w’umunya-Uganda witwa Rebecca Cheptegei yitabye Imana nyuma y’iminsi micye arembeye mu bitaro byo muri Kenya, nyuma yo gutwikwa n’uwahoze ari umukunzi we wamusutseho lisansi akamutwika. Abategetsi bavuga ko ku cyumweru gishize ubwo yari avuye gusenga we n’abana be babiri, nibwo yasagariwe na Dickson Marangach umugabo wahoze […]