Kuva mu gitondo cyo kuri uyu wa Kane, itariki ya 26 Nzeri 2024, haravugwa imirwano ikaze, hagati y’Ingabo za Repubulika ya Demokarasi ya Congo (FARDC) n’inyeshyamba basanzwe bafatanya z’Abawazalendou mu burengerazuba bw’Umujyi wa Goma, mu Ntara ya Kivu y’Amajyaruguru.
Iyi mirwano yaba ifitanye isano no kugenzura bariyeri nyinshi basoresherezaho mu buryo butemewe nku muhanda uhuza Sake n’inzira ya Nzulo, ahantu h’ingenzi hanyura ibicuruzwa n’abantu.
Abantu bavanwe mu byabo bari mu nkambi za Bulengo na Lushagala bafite ubwoba nk’uko iyi nkuru dukesha mediacongo.net ivuga.
Iyi mirwano yateje impungenge nyinshi mu baturage bavanwe mu byabo baba mu nkambi za Bulengo na Lushagala, ziherereye hafi y’imirwano. Kubera gutinya kubw’umutekano wabo, abavanywe mu byabo bari mu gihirahiro, mu gihe akarere ka Goma kamazemo iminsi umutekano muke uterwa n’imitwe yitwaje intwaro itandukanye iba ijagata muri uyu mujyi.
Nk’uko amakuru aturuka aha abitangaza, izo bariyeri basoresherezaho imisoro mu buryo butemewe n’isoko y’ingenzi y’ibyo iyi mitwe yitwaje intwaro iri mu karere yinjiza. Guhanganira kugenzura izo bariyeri ni byo nyirabayazana y’amakimbirane akaze hagati y’imitwe itandukanye yitwaje intwaro. Kuri iki cyiciro, nta bantu bapfuye muri iyi mirwano baramenyekana, kandi Ingabo za Congo ntacyo ziratangaza kuri aya makimbirane.
About The Author
Related posts:
To avoid accidents, drivers are encouraged to abide by traffic laws.
Igitero cyo kwihorera cya Israel muri Yemen kibasiye Umujyi wa Hodeidah
KIGALI: Abahinzi banzuye ko bagiye kureka igikorwa cyo kuvanga imyaka
Rulindo: Abantu umunani bagwiriwe n’ikirombe
Kigali: Abasaga 5000 bari kuganira ku iterambere ry’ibiribwa rishingiye ku ikoranabuhanga
Gicumbi: Abaturage Umukamo wose bawujyana ku isoko bakibagirwa abo bibarutse
Uganda: Minisitiri Sarah Mateke Nyirabashitsi yitabye Imana
Rubavu: Polisi yamufashe atwaye udufuka tw’urumogi turenga 40 mu modoka
