Umupolisi wo ku rwego rwo hejuru wo muri Kenya yishwe arashwe nyuma yuko arashe umucamanza mu rukiko mu murwa mukuru Nairobi.
Uwo mupolisi w’ipeti rya ‘Chief Inspector of Police’ (CIP) yarashe umucamanza mukuru Monica Kivuti wo mu rukiko rwa Makadara, nyuma gato yuko afashe icyemezo mu rubanza amakuru avuga ko umugore we aregwamo.
Bivugwa ko uwo mupolisi mukuru yarakajwe n’icyemezo cy’urukiko cyo kuburizamo gufungurwa by’agateganyo kw’umugore we nyuma yuko yari yarabuze.
Uwo mupolisi mukuru, watangajwe ko yitwa Kipchirchir Kipruto, ukuriye stasiyo ya polisi yo mu mujyi wa Londiani, mu burengerazuba bwa Kenya, yahise asohora imbunda arasa umucamanza, aramukomeretsa.
Abandi bapolisi bakuru bari bari mu rukiko basubije ako kanya, umwe muri bo arasa uwo mupolisi mukuru watangiye kurasa, aramwica.
Muri uko kurasana, abandi bapolisi bakuru batatu bakomeretse, nkuko bikubiye muri raporo ya polisi y’ukuntu byagenze.
Uwo mucamanza n’abapolisi bakuru bakomeretse barimo kuvurirwa mu bitaro.
Urwego rw’ubucamanza rwa Kenya rwavuze ko uwo mucamanza “yasheshe kurekurwa by’agateganyo hatanzwe ingwate ku muntu ushinjwa utaritabye urukiko ndetse wari wananiwe gutanga ibisobanuro bishimishije ku kutitaba urukiko“.
Itangazo ry’urwo rwego ryagize riti “ Ako kanya iki cyemezo kigitangazwa, umuntu yarashe umucamanza amukomeretsa mu mayunguyungu.”
– Advertisement –
Iryo tangazo ryavuze ko amakuru y’ibanze avuga ko “uwarashe ni umupolisi mukuru washakanye n’ucyekwa”.
Polisi ya Kenya yavuze ko uwo mupolisi mukuru yari ari mu rukiko “ku mpamvu zitazwi”.
Polisi ya Kenya yavuze ko iperereza rikomeje kugira ngo hamenyekane icyateje uko kurasa.
Urwego rw’ubucamanza rwavuze ko ruzavugurura ingamba z’umutekano ndetse rwijeje umutekano abakozi bo mu bucamanza n’abandi bagana inkiko.
Umwanditsi mukuru w’ubucamanza Winfridah Mokaya yagize ati “Nk’umuryango w’ubucamanza, twifurije mugenzi wacu gukira vuba. Tunihanganishije umuryango w’umupolisi mukuru wapfiriye muri ibi byabaye bibabaje.”
Gateofwise.com
About The Author
Related posts:
UN Panel of Experts Again Accuses Uganda of Supporting M23
Ibyo Perezida Kagame yifuriza urubyiruko rw’u Rwanda
DRC: Bitewe no gusebya FARDC Koffi Olomide yatumijwe murukiko
Minisitiri Dr Mujawamariya Jeanne d’Arc yirukanywe ku mirimo ye
Students in Bangladesh swear to carry on protesting unless leaders are freed.
Amb. Olivier Nduhungirehe yanyomoje ubutumwa bwatanzwe na MONUSCO
Abakuru b’inzego zishinzwe iperereza bo mu Rwanda na DRC bahuriye i Luanda
RDC: Umusirikare wa FARDC yarashe Afande we mu cyico
