Ikipe ya Mukura VS biravugwa ko yamaze kumvikana na rutahizamu w’umunya-Ghana Agyenim Boateng Mensah ugomba gusinya imyaka ibiri muri iy’ikipe yambara umuhondo n’umukara .
Ikipe ya Mukura VS ni imwe mu zikomeye zibarizwa mu ntara , ni imwe kandi mu makipe akomeje kwiyubaka bidasanzwe yitegura umwaka utaha w’imikino wa 2024-2025 ibinyujije mu gusinyisha abakinnyi bakomeye kandi mu myanya yose cyane abaturutse hanze y’u Rwanda .
Kumakuru dukesha ibitangazamakuru ndetse na banyamakuru ba siporo mu gihugu cya Ghana aravuga ko iy’ikipe yambara umuhondo n’umukara yamaze kumvika n’umunya-Ghana akaba rutahizamu Agyenim Boateng Mensah w’imyaka 27 usanzwe akinira ikipe ya Dreams FC yiwabo muri Ghana.
Agyenim Boateng Mensah yamenyekanye cyane mu ikipe ya Nzema Kotoko Football Club mu cyiciro cya kabiri muri Ghana aho mu mwaka w’imikino wa 2019-2020 yayoboye abatsinze ibitego byinshi (TopScorers) muri iy’ishampiyona y’icyiciro cya kabiri muri Ghana n’ibitego 10 mu mikino 13 mbere yogusubikwa kubera icyorezo cya Covid 19, muri ibibihe uyu rutahizamu Mukura VS ishobora gusinyisha yatsinze ibitego 38 mu mikino 52 mu marushanwa yose yitabiriye .
Hari mu kwezi kwa 09/2020 n’ibwo yatangiye gukina mu cyiciro cya mbere muri Ghana ubwo yasinyiraga ikipe ya Dreams agiye gusohokamo amasezerano y’imyaka ine bisobanuye ko ubu yasoje amasezerano ye muri iy’ikipe, ndetse mu mwaka wa mbere acyihagera yaje mu ikipe y’umwaka ya shampiyona y’igihugu cya Ghana 2020–21 Ghana Premier League.
Mu mwaka dusoje w’imikino uyu rutahizmu akaba yaratsinze ibitego 14 muri shampiyona ya Ghana “Ghana Premier League”.
Uyu musore w’umunya-Ghana akaba na rutahizamu naramuka asinyiye Mukura akanatangazwa araba arundi mu Nya-Ghana wa kabiri baba basinyishije nyuma ya myugariro w’imyaka 20 Abdul Jalilu.
Ndetse kumunsi wejo ni nabwo Mukura VS yatangaje ko yasinyishije Vincent Adams ndetse na myugariro w’ibumoso wakiniraga Marine FC Ishimwe Jean Rene kumasezerano y’imyaka ibiri.
Kungengabihe ya shampiyona y’u Rwanda ya 2024-2025 igaragaza ko umukino wa shampiyona wa mbere ikipe ya Mukura VS izawukina tariki ya 15/08/2024 bakira Gasogi United kuri sitade mpuzamahanga ya Huye.
About The Author
Related posts:
25/07 mu mateka ya Ruhago: Copa América yatashye i Brasília naho rutahizamu Kevin Phillips abona izuba
Arsenal igiye kurwanira abakinnyi babiri na Barcelona, Getafe izafata kumafaranga ya Manchester United ari uko yagurishije Greenwood muri Marseille!
Kigali: Abaturage 12 bajyanwe mu bitaro nyuma yo kunywa ubushera
Chris Brown n’itsinda rye bari mu mazi abira
Perezida Kagame yihanganishije Abaturage ba Ethiopia bibasiwe n’ibiza
Whatsapp yakoze impinduka aho Kohereza amafoto nta interineti bizajya bisaba
Birinda gusaza imburagihe: Dore impamvu ugomba gukunda ikigori cyokeje
Celine Dion yongeye gutaramira abakunzi be nyuma y’igihe kirekire
