Polisi ya Nigeria, yavuze ko abanyeshuri 20 bari barashimuswe berekeza mu ihuriro ryabo bararekuwe nyuma yicyumweru kimwe bashimuswe.
Ku ya 15 Kanama, abantu bitwaje imbunda bafashe aba banyeshuri ubwo bari bagiye mu nama yabereye muri Leta ya Benue, rwagati. Ubwo bari mu muhanda muri convoy ya bisi ebyiri hafi y’umujyi wa Otukpo, nko mu birometero 93 uvuye i Enugu inyeshyamba zahise zibitambika zirabashimuta.
Kuri uyu wa Gatandatu rero, nibwo Polisi yasohoye itangazo ivuga ko abo banyeshuri barekuwe hatabayeho ingurane nk’uko abari barabashimuse babyifuzaga.
Umuvugizi wa polisi muri Nijeriya, Olumuyiwa Adejobi, yavuze ko kugirango inyeshyamba zirekure aba banyeshuri, habayeho amayeri akomeye ya polisi
Yagize ati: “Turemeza irekurwa ry’abavandimwe na bashiki bacu ndetse n’abandi Banyanigeria bamwe bari bafungiwe mu ishyamba rya Ntunkon, muri Leta ya Benue. Barekuwe ku mayeri akomeye ya Polisi.”
Udutsiko twitwaje intwaro mu majyaruguru ya Nijeriya dushimuta abaturage, abanyeshuri ndetse n’abamotari kugira ngo babone incungu(Ingurane).
About The Author
Related posts:
At the Gaza Conference, President Kagame and King Abdullah II Talk About Bilateral Collaboration
Amavu n’amavuko ya FPR Inkotanyi
BURUNDI: Nta muyobozi n’umwe wo muri leta witabiriye igikorwa cyo gushyingura Perezida Buyoya
Ukrainian drone strike, a Russian oil depot caught fire
Urubyiruko rusaga 46% nta makuru ruba rufite ku igenamigambi ry’Igihugu
DRC: Akanama gashinzwe umutekano kemereye MONUSCO gutanga inkunga y’ibikoresho mu butumwa bw’amahoro mu karere
La stabilité régionale au cœur d’un discours d’investiture ferme
Umuyobozi wa Polisi ya MINUSCA yasuye abapolisi b’u Rwanda bari mu butumwa bw’akazi
