Umuhanda wakozwe mu Murenge wa Nyagatare mu Karere ka Nyagatare wiswe Busana- Mugali- Kimoramu watumye abaturage boroherwa mu migenderanire, ubucuruzi, uba igisubizo mu bikorwa by’imibereho yabo ya buri munsi.
Uyu muhanda ureshya n’ibilometero bitanu watwaye amafaranga y’uRwanda miliyoni 48. Worohereje abaturage kuko ubusanzwe umuntu ufite ikinyabiziga nk’imodoka byamusabaga kujya kuzenguruka i Ryabega.
Ni umuhanda muhangano wakozwe ahatari hasanzwe umuhanda, ukorwa hagamijwe koroshya ingendo ku bajya cyangwa bava mu mujyi wa Nyagatare berekeza mu bice bya Mugali, Kimoramu, Kamagili n’ahandi.
Uwimana Jane agira ati: “Uyu muhanda watumye twegerana n’umujyi kuko ubu umuntu ashobora gukora ibikorwa bye mu mujyi ntagire impungenge zo gutinda gutaha kuko ubu inzira yabaye ngufi, mu gihe mbere byadusabaga kuzenguruka. Ikindi nk’iyo umuntu afite umushyitsi uri bumusure akagera muri gare ya Nyagatare biroroshye kumurangira agafata moto ikamukugezaho mu gihe mbere abamotari binubiraga kuza inaha kubera inzira mbi.”
Uretse ingendo zisanzwe, uyu muhanda wabafashije mu mibereho y’ubuzima busanzwe, kuri ubu yaba mu mvura cyangwa ku zuba nta murwayi ukigorana kumugeza ku ivuriro kandi ku buryo budahenze.
Kaburame John agira ati: “Mbere uyu muhanda utarakorwa iyo warwaraga cyangwa ukarwaza umuntu, ntibyari byoroshye kugera ku ivuriro. Moto ni yo yageragezaga kuba yahagera ariko nayo ikaba yaguhenda kuko si bose bemeraga kuhaza. Byari bigoye kuba umuntu yakwigondera imodoka igera aha ibanje kuzenguruka Ryabega, nyamara aho tugiye kwa muganga ari imbere aha.”
Akomeza agira ati: “NNyamara kuri ubu byaroroshye kuko imodoka zigera aha kandi zikoze urugendo rugufi ku buryo unayikeneye itaguhenda.Natwe ariko turi kugura ibinyabiziga kuko amayira yabyo yabonetse.”
Umuyobozi w’ishami rishinzwe ibikorwa remezo mu Karere ka Nyagatare Alphonse Rusakaza yabwiye Imvaho Nshya ko uyu muhanda wakozwe mu rwego rwa gahunda ya Leta yo kwegereza abaturage ibikorwa remezo.
Yagize ati: “Umuhanda Nyagatare- Busana – Kimoramu wafashije abaturage kuko abaturage bashaka kujya kuri Kaburimbo wasangaga bibasaba guca iriya rya Ryabega ariko ubu abaturage bagenda ku magare, ku maguru byaborohereje buhahirane. Byafashije abaturage mu buhahirane, n’abantu bafite imodoka bajya mu mujyi wa Nyagatare ntibagomba kujya kuzenguruka Ryabega.”
Akomeza avuga ko kandi ari umuhanda ufite inyungu inshuro ebyiri, kuko waje gusubiza ibibazo abawukoresha bari bafite, ariko kandi n’ingengo y’imari yawugiyeho ikajya mu baturage bakora muri gahunda ya VUP.
About The Author
Related posts:
Ngoma: Urubyiruko rwavuye k’umuhanda rurishimira ubuzima rubayemo
Gakenke: Babiri bapfiriye mu Kirombe
Nyamasheke: Mudugudu yasanzwe ku muhanda yapfuye
Musanze: Abaturage Babangamiwe n’ubukarabiro butakibamo amazi n’isabune
U Rwanda rugeze kuri 91% rwihaza ku musaruro w’inyama
Nigeria: Abahinzi 13 bishwe n’abashumba bazira gutanga amakuru
KENYA: Yishe umugore we amucyekaho gusambana n’umuturanyi, nawe yiha uburozi atabarwa na polisi
Gatsibo: Nyuma y’ukwezi akoze ubukwe yatabawe agiye kwiyahura
Your point of view caught my eye and was very interesting. Thanks. I have a question for you.
Your article helped me a lot, is there any more related content? Thanks!