Mu karere ka Nyarugenge mu Murenge wa Nyarugenge Akagari ka Kiyovu, Umudugudu wa Nyarurembo kuri uyu wa Gatatu tariki 24 Nyakanga 2024, imodoka y’ivatiri (Voiture) yaritwawe n’umudamu yamanukaga umuhanda uva T2000 yerekeza kuri CHIC habereye impanuka y’imodoka yakomerekeyemo abantu batanu yangiza n’ibindi binyabiziga birimo moto 10 n’imodoka 4 byari mu muhanda.
Umuvugizi wa Polisi ishami ryo mu muhanda, SP Emmanuel Kayigi, yatangarije Kigali Today ko impanuka yatewe n’uko hari imodoka ya Bus Youtong yabanje kugonga imodoka y’ivatiri yari iri imbere umushoferi wari utwaye iyo vatiri aho gufata feri afata ku muriro agonga ibindi binyabiziga byari mu muhanda.
Ati “Kubera ko yafashe umuriro moto 10 n’imodoka 4 zose zangiritse ndetse abantu batanu barakomereka ubu barimo kwitabwaho ku bitaro bya CHUK”.
SP Kayigi avuga ko mu bantu batanu bakomeretse harimo umwe wakomeretse cyane akaba ari kumwe n’abandi mu bitaro bitabwaho n’abaganga.
SP Kayigi avuga ko nubwo uyu mugore wari utwaye imodoka y’ivatiri yafashe umuriro abantu bagakomereka, ntawahasize ubuzima kandi inzego z’umutekano zahise zihagera zigatanga ubutabazi bw’ibanze ku bakomeretse.
Umuvugizi wa Polisi ishami ryo mu muhanda, SP Emmanuel Kayigi, yibukije anagira inama abashoferi zo kubahiriza amategeko y’umuhanda, birinda amakosa ateza impanuka.
Yabasabye kwibuka ko batagenda mu muhanda bonyine kandi ko imodoka zitwara abagenzi ziba zitwaye ubuzima bw’abantu bityo abashoferi bagomba kwitwararika mu migendere yabo, no kwirinda gucomora ibyuma byashyiriweho kuringaniza umuvuduko mu modoka (Speed governor) kuko iyo babicomokoye bituma bakora impanuka kubera umuvuduko.
Ati “Abatwara ibinyabiziga bagomba kwitwararika ndetse igihe umushoferi ahuye n’impanuka agomba guhagarara kugira ngo afashwe kuko iyo habayeho kudahagarara ateza ibyago n’abandi bagenda muri uwo muhanda”.
About The Author
Related posts:
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
Nyanza: yafatanywe urumogi mu dukarito tw’itabi
Perezida Kagame yihanganishije Abaturage ba Ethiopia bibasiwe n’ibiza
Abimukira 150 baburiwe irengero mu nyanja
Abadipolomate baravugwaho gukina urusimbi muri ambasade ya Dubai i Kampala
Karongi: CLADHO iravuga ko abubatse umudugudu mu manegeka none ukaba uri gusenywa bagomba kubibazwa
Abanyamakuru bakoze inkuru zivuga ko Dorimbogo yarari kwirwaza basabwe kuzisiba kuri YouTube Channel zabo
Agahinda ka Nzovu kuri Dorimbogo wagiye atamuhuje n’umugore batandukanye nkuko yari yarabimusezeranyije
