Papa Cyangwe umaze iminsi arira ayo kwarika nyuma yo kwibwa shene ye ya Youtube yari asanzwe ashyiraho ibihangano bye, yamaze gufungura inshya agiye gutangira gushyiraho indirimbo ze.
Amezi abaye abiri Papa Cyangwe abuze shene ye ya Youtube yari inariho ibihangano bye, kuri ubu akaba yamaze gufungura indi agiye gutangira gushyiraho ibishya.
Avuga uko byamugendekeye, Papa Cyangwe yabwiye IGIHE ko shene ye ya Youtube yibwe n’abantu ataramenya, nyuma y’amezi abiri agerageza kuyigarura ntibimukundire akaba yahisemo gukora indi agatangira bundi bushya.
Ati “Nahisemo gufungura indi nyuma y’amezi abiri ashize banyibiye shene ya Youtube, twagerageje kuyigarura ariko byaranze rero sinahagarika umuziki, mfite indirimbo nyinshi ngomba gusohora rero nahisemo gutangira bushya.”
Uyu muhanzi yavuze ko ari igihombo gikomeye yahuye nacyo mu muziki ariko nta yandi mahitamo afite uretse gukomeza.
Ati “Ni igihombo nibyo ariko njye ndi umuhanzi ufite ibihangano byinshi ngomba guha abakunzi banjye ntabwo nacika intege ahubwo ngomba kurushaho gukora cyane.”
Papa Cyangwe abajijwe niba yarahebye burundu indirimbo ze zari zisanzwe kuri shene ye ya Youtube, yavuze ko agiye gutangira gushyiraho inshya gusa.
Papa Cyangwe uherutse kwibwa shene ye ya Youtube yafunguye inshya
About The Author
Related posts:
Minisitiri Dr. Utumatwishima mu bitabiriye igitaramo cya Gen-Z Comedy (Amafoto)
UWICYEZA Pamella mubyishimo byinshi nyuma yo gutora bwa mbere.
Ykee Benda yaryumyeho ku bijyanye no gushaka kwinjira mu Nteko Nshingamategeko
Rema ari kuvugwa mu rukundo n’umukobwa w’umushabitsi
Rurageretse hagati ya Cardi B n’umunyamakuru
Juno Kizigenza, DJ Pius, DJ Higa&Rusam bagiye gutaramira i Karongi.
Bebe Cool yanenze umubyeyi wa Mowzey Radio.
Israel Mbonyi yakoreye igitaramo cy’amateka i Kampala.
