Umuyobozi w’umujyi wa Goma (Kivu y’Amajyaruguru), Superintendent Faustin Kapend Kamand, yatangaje ko hafashwe abantu umunani bakekwaho gushaka abantu bajya mu mutwe w’inyeshyamba za M23, ngo bafashwe n’inzego z’ubutasi zo mu karere ka 34 ka gisirikare.
Ibi yabitangaje ku wa Gatandatu ubwo yerekanaga itsinda ry’abantu cumi na batanu batawe muri yombi mu gikorwa cya buri cyumweru kiswe “Safisha Mji wa Goma” (Sukura umujyi wa Goma) nk’uko tubikesha Radio Okapi.
Muri bo harimo umusirikare wo muri brigade ya 11, Abanyarwanda bari mu gihugu mu buryo butemewe, abacuruza ibiyobyabwenge n’urubyiruko bafatiwe mu duce dutandukanye twa Goma, no muri Teritwari ya Nyiragongo.
Ku bwe, aba bantu bakomoka mu karere k’umwanzi kandi bari batangiye gushakira umutwe wa M23 abarwanyi rwihishwa. Umusirikare wa brigade ya 11 we akurikiranyweho gukwirakwiza amasasu mu gihe cyintambara.
Superintendent Faustin Kapend Kamand yemeje ko muri Teritwari ya Nyiragongo ariho amabandi yose ajya gukorera mu mujyi yihisha, Ari naho bategurira ubujura, n’ibindi byaha.
“Urubyiruko, bamwe bo muri Nyiragongo abandi bo mu gace ka Majengo, Kasika na Katoy, bemeje ko ari bo bambuye intwaro umupolisi, igihe yari kuri bariyeri yo mu muhanda, hashize icyumweru”, ibi byatangajwe n’uyu muyobozi wongeyeho ko ubutasi bw’akarere ka 34 ka gisirikare bwamaze kwimurira abandi bagizi ba nabi i Kinshasa.
Ku bwe, iki gikorwa cyakozwe rwihishwa kugira ngo abo yita abacengezi batabimenya.
About The Author
Related posts:
Joe Biden yavuze ko adateze na rimwe gusubika ibikorwa byo kwiyamamaza
AFRICA: As the “crackdown on opposition” gets more intense, Tunisia’s President Saied announces he plans to run for reelection.
Ubwongereza bwari bwateganyije miliyari 12.9 zama Pawundi (pound) muri gahunda yo kohereza abimukira mu Rwanda
DRC: Bahala nyuma yo kuva mu mishyikirano ya M23 yahise atabwa muri yombi
Dore Ibihugu 10 Bifite Igisirikare Gikomeye Kurusha Ibindi ku Isi
Donald Trump natsinda amatora Koreya ya ruguru yiteguye kugirana nawe ibiganiro kuntwaro za kirimbuzi
The last hours of the despised despot Sheikh Hasina
Sudan: Ingabo za RSF zateguje gushinga Guverinoma i Khartoum
