Umukinnyi wasiganwaga ku maguru w’umunya-Uganda witwa Rebecca Cheptegei yitabye Imana nyuma y’iminsi micye arembeye mu bitaro byo muri Kenya, nyuma yo gutwikwa n’uwahoze ari umukunzi we wamusutseho lisansi akamutwika.
Abategetsi bavuga ko ku cyumweru gishize ubwo yari avuye gusenga we n’abana be babiri, nibwo yasagariwe na Dickson Marangach umugabo wahoze ari umukunzi we, ari iwe mu mujyi muto wa Endebess ari naho yitoreza mu burengerazuba bwa Kenya.
Marangach yamusutseho lisansi maze aramutwika nyuma y’intonganya hagati yabo, nk’uko byatangajwe n’abaturanyi babo.Cheptegei yatabawe n’abaturanyi ajyanwa ku bitaro ariko yari yagize ubushye bugera kuri 80% by’umubiri we, nk’uko abaganga babitangaje.
gace karimo ibigo byinshi abasiganwa ku maguru bitorezamo.Raporo yatanzwe n’abategetsi baho ivuga ko we n’uwahoze ari umukunzi we bagiye bagirana ubushyamirane kubera uwo butaka.
Marangach na we wahiye ku rugero rwa 30% mu gikorwa cyo gutwika Rebecca, na we muri iki cyumweru yari arimo kuvurirwa ku bitaro bimwe na Rebecca byo mu mujyi wa Eldoret, ari na byo bikuru muri ako gace, nk’uko abaganga babitangaje.
Ishyirahamwe ry’umukino wo gusiganwa ku maguru rya Uganda rivuga ko “twamaganye ibintu nka biri kandi turasaba ubutabera”.Mu ntangiriro z’iki cyumweru polisi ya Kenya yatangaje ko irimo gukora iperereza ku byabaye.
Cheptegei, ukomoka mu karere ko hakurya y’umupaka muri Uganda, bivugwa ko yari yaraguze ubutaka mu ntara ya Trans Nzoia muri Kenya akabwubakamo inzu. Ako gace karimo ibigo byinshi abasiganwa ku maguru bitorezamo.
Rebecca yari asanzwe ari umusirikare mu ngabo za Uganda, ni we mugore muri icyo gihugu ufite umuhigo wo kwiruka marathon akoresheje 2:22:47 umuhigo yaciye mu 2022 muri Abu Dhabi Marathon muri United Arab Emirates.
Ishyirahamwe ry’umukino wo gusiganwa ku maguru muri Uganda ryatangaje ko ribabajwe “no gutangaza urupfu rw’umukinnyi wacu” Rebecca CheptegeiIri shyirahamwe rivuga ko Cheptegei yapfuye “kare muri iki gitondo bivuye ku rugomo rukorerwa mu ngo yakorewe”.
Source: Skysports
About The Author
Related posts:
Ukraine: Ibitero by’u Burusiya byahitanye abantu basaga 23
KARONGI: Imvura y’amahindu yatunguye abaturage
Amerika: Umusaza yagiye gushyingura umwuzukuru we nawe apfira ku irimbi
Venezuela: amajwi yagateganyo arashyira imbere Nicolás Maduro gusa ntabwo biri kuvugwaho rumwe
TANZANIA: Padiri akurikiranyweho kwiba asaga miliyari
Rev Pasiteri Dr Antoine Rutayisire yanyomoje abavuze ko yakoze impanuka
Tanzania: Ishyaka ’ Chadema’ rirashinja Leta kunyereza abayoboke baryo barenga 200
Rusizi: Umukecuru yasanzwe mu nzu yishwe atewe icyuma mu mutwe
Can you be more specific about the content of your article? After reading it, I still have some doubts. Hope you can help me.