Ubutabera bwa Repubulika Iharanira Demokarasi ya Congo kuva ku wa Gatatu tariki ya 24 Nyakanga, ruzatangira kuburanisha urubanza ruregwamo umuhuzabikorwa w’Ihuriro AFC ribarizwamo umutwe wa M23 na bagenzi be.
Ni urubanza bagomba kuburanishwamo n’Urukiko rwa gisirikare rukorera i Gombe mu mujyi wa Kinshasa.
Minisiteri y’Ubutabera ya RDC mu itangazo yasohoye, yavuze ko Corneille Nangaa na bagenzi be baregwa ibyaha birimo “ibikorwa by’irerabwoba, ibyaha by’intambara ndetse n’ubugambanyi bwo mu bwoko bwo hejuru”.
Ni ibyaha bashinjwa gukorera mu burasirazuba bwa Repubulika Iharanira Demokarasi ya Congo aho inyeshyamba zo mu mutwe wa M23 zimaze igihe kirekire zirwanira n’ihuriro ry’ingabo za Leta ya Congo.
Mu Ukuboza 2023 ni bwo Nangaa wahoze ari Perezida wa Komisiyo y’amatora muri RDC yahuje amaboko n’abarimo umutwe wa M23, bashinga ihuriro bise Alliance Fleuve Congo (AFC).
Ni ihuriro ryashingiwe i Nairobi muri Kenya, rikaba rifite umugambi wo gukuraho “ubutegetsi butemewe” bwa Perezida Félix Antoine Tshisekedi Tshilombo.
Biteganyijwe ko Nangaa ubutegetsi bw’i Kinshasa bwagerageje kwivugana agomba kuburanishwa adahari, bijyanye n’uko Leta ya RDC itigeze imuta muri yombi.
About The Author
Related posts:
USA: Could the US benefit from the international student backlash elsewhere?
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Kigali: Abaturage 12 bajyanwe mu bitaro nyuma yo kunywa ubushera
Chris Brown n’itsinda rye bari mu mazi abira
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
Perezida Kagame yihanganishije Abaturage ba Ethiopia bibasiwe n’ibiza
Arthémon Simbananiye inaribonye muri politike y’i Burundi yitabye Imana
Missing Brit Ben Ross found ALIVE in Majorca after ‘series of unfortunate events’ led to him vanishing 12 days ago
