Ubwo Minisitiri w’urubyiruko n’iterambere ry’ubuhanzi, Dr. Utumatwishima Jean Nepo Abdallah, yasuraga ikigo gitegura ibitaramo bitandukanye by’abahanzi kitwa Ma Africa, yahasanze abaraperi Bull Dogg na Riderman bari mu myiteguro y’igitaramo cyabo, baraganira ndetse bamuha n’isezerano.
Minisitiri Utumatwishima utarahwemye kugaragaza ko ashyigikiye igitekerezo Riderman na Bull Dogg bagize cyo gukora iyi album yabo bise ‘Icyumba cy’amategeko’ no gutegura iki gitaramo bazayimurikiramo ku mugaragaro, yongeye kubashimira kuba barishyize hamwe bakaba bakataje imyiteguro.
Yaboneyeho kandi no kubifuriza amahirwe masa, bakazagira igitaramo kiza kandi gisukuye, ndetse ashimira by’umwihariko ikigo Ma Africa gikomeje gushora imari mu buhanzi ndetse bagahanga imirimo mu rubyiruko ruri mu kiciro cy’ubuhanzi.
Riderman na Bull Dogg bashimiye Minisitiri kuba yabasuye, bamwizeza ko bazakora igitaramo kiza kandi bazakomeza gufatanya n’abandi mu iterambere ry’ubuhanzi mu Rwanda, baboneraho no kumutumira mu gitaramo cyabo.
Bull Dogg yagize ati “Nge na Riderman turi abaraperi bakera kandi bakuru, tugomba kubera ikitegererezo babandi bato bari kuzamuka.”
Riderman yagize ati “Turabasezeranya ko tutazarengera ngo tugira ibyo dukora bidakwiye, turanabasezeranya ko tuzubahiriza amasaha uko bikwiye nk’uko mwabidusabye.”
Minisitiri abasuye mu gihe habura iminsi igera kuri ibiri gusa ngo umunsi nyir’izina w’igitaramo ugere, ni mu gihe kandi n’ubundi bari baherutse gusurwa na Ambasaderi muri Singapore, Uwihanganye Jean de Dieu wari umaze iminsi mu Rwanda, aho yari yaraje yitabiriye ibirori by’irahira rya Perezida Paul Kagame.
Riderman na Bull Dogg bakaba bafite igitaramo tariki 24 Kanama 2024, kuri Camp Kigali.
About The Author
Related posts:
Bruce Melodie agiye guhurira n’abahanzi b’ibyamamare bitandukanye mugitaramo cy’amateka kizabera muri Sweden
Hamenyekanye abahanzi bazahurira ku rubyiniro na Sheebah Karungi i Kigali
Byari agatwiko! Ukuri ku mwuka mubi uvugwa hagati ya Bwiza na Knowless
Spyro yasabye ibyamamare kutaryumaho.
Chiffa wakundanaga na Buravan yerekanye byeruye umusore bari m’urukundo
Travis Scott arrested in Paris after a hotel fight with his bodyguard, authorities say.
Hari akabyiniro k’abambara ubusa buri buri i Kigali
Nicki Minaj yatoboye agaragaza imbamutima ze kuri Wizkid
