Guverineri wa Banki Nkuru y’Igihugu, John Rwangombwa, yaburiye abantu ko bakwiriye kwirinda ‘urusimbi’ ruri mu bucuruzi bw’amafaranga hifashishijwe ikoranabuhanga, kuko ari ibintu bikomeje guhombya benshi.
Magingo aya, ubutabera bw’u Rwanda buri gukurikirana umugabo wariganyije abantu barenga 500 asaga miliyoni 10$ binyuze mu bucuruzi bwo kuri internet mu kigo cyitwaga Billion Traders FX.
Ibi bibaye nyuma y’aho mu ntangiriro z’uyu mwaka, abantu benshi batatse ko bahombeye amafaranga yabo mu kigo cyitwa Super free to Trade Ltd (STT) cyifashisha ikoranabuhanga mu bijyanye n’ubucuruzi bwa ‘Cryptocurrency’.
Guverineri Rwangombwa yavuze abantu bakwiriye gusobanukirwa ko ubu bucuruzi butemewe kuko inyungu bene bwo basezeranya abantu idashoboka mu rwego rw’imari aho ari ho hose ku Isi.
Ati “Ni ukwirinda gukorana n’aba bantu bakoresha ikoranabuhanga mu bucuruzi bw’amafaranga. Nta muntu uzaza akubwira ngo araguha inyungu ya 10% buri kwezi, ntaho tuzi bacuruza imari mu Isi yakungukira 10% buri kwezi. Uramuha miliyoni 100 mu kwezi kumwe aguhe miliyoni 10, urwo rusimbi, ntirubaho mu bucuruzi bw’imari.”
Rwangombwa yavuze abantu bakwiriye kwirinda kujya mu bintu by’ubushukanyi, basezeranyijwe ko bagiye gukira mu buryo bwihuse.
Ati “Ugiye kureba, ugiye gukora ubushakashatsi, nta muntu n’umwe muri abo ngabo wigeze akora ngo ntiyambure abantu. Hafi ya bose, birangira bambuye abandi kuko batangira yakira amafaranga ya kanaka agahita amuha inyungu, undi yaza agatangira gukoresha amafaranga y’abaje bamugana kugira ngo yishyure abaje mbere.”
“Uko yishyura abaje mbere ni ko akangurira abandi kumugana bikagera ahantu byamubanye umurengera atagifite uko ashobora kwishyura ba bantu noneho mukanya gato ukabona yahombye yabuze.”
BNR yakunze kugaragaza ko ubu bucuruzi bw’imitungo mvunjwafaranga idafatika (crypoassets) burimo ingorane nyinshi zirimo kutarengerwa n’amategeko, ubujura n’ingorane zo guhomba, guhindagurika gukabije kw’ibiciro no kudakorera mu mucyo.
About The Author
Related posts:
GUVERINOMA YA LETA ZUNZE UBUMWE Z’AMERIKA YAGARUTSE KU ITERAMBERE RYA PINEWORK KUGIRA NGO IKOMEZE KUYOBORA UBUKUNGU KU ISI
Pi Network Breaks New Ground! Testnet2 Enables Pi Coin Purchases for Piapp Tokens
PI NETWORK YAFUNGUYE UMURONGO MUGARI MU ISI Y’IFARANGAKORANABUHANGA (CRYPTOCURENCY)
Elon Musk Unexpectedly Addresses Bitcoin After Issuing A Startling “Destruction” Warning About The US Dollar That May Cause A Cryptocurrency Price Explosion
SOBANUKIRWA IMIKORANIRE YA PI NETWORK NA STELLAR
Historic Transaction: Pi Network Proves Real-World Value with First Payment
Pi Network Whitepaper Summary
The Reasons Behind Banks, Companies, and Governments Adopting the Pi Currency Ecosystem: A Novel Approach to Trustworthy Blockchain Technology
