Umunyabigwi Samuel Eto’o wayoboraga ishyirahamwe ry’Umupira w’Amaguru muri Cameroun (FECAFOOT) yahagaritswe amezi atandatu n’Impuzamashyirahamwe y’Umupira w’Amaguru ku Isi FIFA atareba imikino yose y’amakipe y’igihugu.
Itangazo ryashyizwe hanze n’Akanama gashizwe imyitwarire muri FIFA rivuga ko Samuel Eto’o yahagaritswe hashigiwe ku ngigo ya 13 na 14 irebana n’imyitwarire.
Iri shyirahamwe rivuga ko aregwa ibyabereye mu mukino w’igikombe cy’Isi cy’abatarengeje imyaka 20 mu bagore wahuje Cameroun na Brazil muri Nzeri uyu mwaka.
Nta makuru arambuye yatanzwe muri iri tangazo gusa FIFA ivuga ko Eto’o yagaragaweho kugira amahene menshi no kurenga ku mahame y’ubworoherane mu mukino azwi nka Fair play.
Uku guhagarikwa kwa Eto’o kuje gukira umwuka umubi wari umaze igihe ututumba hagati ye na Minisiteri ya Siporo Pr Mouelle Narcisse Kombi nyuma yaho uru rwego rwa Leta rwemeje ko Marc Brys abaye umutoza mukuru w’ikipe y’igihugu ya Cameroun y’abagabo, ikintu iri shyirahamwe rya ruhago ryahise ryamaganira kure.
Aha ariko, mu ntangiriro z’uku kwezi kwa Gicurasi uyu mwaka FECAFOOT yaje kwemeza uyu mutoza gusa yanga abamwungirije bari bashyizweho na Minisiteri aho ayshyizeho abandi yitoranyirije.
Eto’o yari Perezida Ishyirahamwe ry’Umupira w’Amaguru (FECAFOOT) guhera mu kwezi k’Ukuboza 2021.
Samuel Eto’o muri ruhago
Samuel Eto’o watangiye akinira Kadie Sports Academy y’iwabo muri Cameroun akiri muto, yasinyishijwe na Real Madrid muri iyo myaka, ayikinira imikino itatu gusa ya shampiyona mu ikipe ya mbere.
Nyuma yo gutizwa muri Mallorca mu 2000 akitwara neza, iyi kipe yahise imugura maze ayitsindira ibitego 54 mu mikino 133 bimuhesha kwerekeza muri FC Barcelone mu 2004.
Ntibyamufashe umwanya munini kugira ngo atangire yigaragaze kuko mu mwaka we wa mbere yatsinze ibitego 25 na 26 mu wa kabiri, ahesha Barcelone ibikombe bibiri byikurikiranya, inshuro ya mbere byari bibayeho mu kinyagihumbi gishya.
Ibi byatumye aba uwa gatatu mu bihembo byo guhatanira Igihembo cy’Umukinnyi mwiza w’Umwaka wa FIFA mu 2005 inyuma ya Ronaldinho bakinanaga na Frank Lampard wakiniraga Chelsea.
Muri rusange, Eto’o yatwaye ibikombe bitatu bya Shampiyona ya Espagne (La Liga), UEFA Champions League ebyiri, Copa del Rey na Super Cup za Espagne ebyiri mbere yo kwerekeza muri Inter Milan yatozwaga na José Mourinho mu 2009.
Guhirwa no kwitwara neza byakomereje mu Butaliyani, atwara Shampiyona ya Seria A, ikindi gikombe cya UEFA Champions League, Igikombe cy’Isi cy’amakipe na Coppa Italia inshuro ebyiri.
Nyuma y’aha yahinduranyije amakipe cyane, akina imyaka itatu muri Anzhi Makhachkala yo mu Burusiya mbere yo gukina imyaka ibiri muri Chelsea na Everton, nyuma agaruka gato mu Butaliyani muri Sampdoria.
Mu 2015, yerekeje muri Turukiya, akinira Antalyaspor, aho yayitsindiye ibitego 44 mu mikino 76 mbere yo kwerekeza muri Konyaspor yavuyemo ajya muri Qatar SC yasezereyemo muri Nzeri 2019.
Mu tundi duhigo uyu mugabo yihariye harimo kuba yarasezeye ari we mukinnyi watsindiye Cameroun ibitego byinshi mu mateka yayo, akaba umukinnyi watsinze ibitego byinshi mu mateka y’Igikombe cy’Afurika ndetse yabaye Umukinnyi w’Umwaka muri Afurika inshuro enye.
About The Author
Related posts:
Terzic, the Dortmund leader, leaves after requesting to do so.
Mu myaka irindwi ishize u Rwanda rwakiriye imiko yo k’urwego mpuzamahanga ikurikira:
ABAKINNYI 10 BAKOMEYE KURUSHA ABANDI MU ISIGANWA RY’IGARE
Man Utd will construct a new £2 billion stadium in place of the contentious decision to LEAVE Old Trafford in favour of a 100,000-seat venue.
FOOTBALL: Umuhango wo gutanga ibihembo ku bakinnyi bitwaye neza muri Rwanda Premier League
CAN 2025: Amavubi yaguye miswi na Libya mu mukino wo gushaka itike y’igikombe cy’Afurika
Bimwe mubyo kwitega muri UEFA Champions League y’uyu mwaka 2024-2025
Batatu bo muri Bayern Munich Academy Rwanda bajyanywe mu igeragezwa
