Thomas Kwoyelo, wari umuyobozi mu mutwe w’inyeshyamba wa Lords Resistance Army (LRA), yahamije n’urukiko muri Uganda ibyaha byinshi by’intambara.
Umutwe wa LRA wakangaranyije Abagande mu majyaruguru y’igihugu ubwo wari uyobowe na Joseph Kony imyaka igera kuri 20.
Kwoyelo yahakanye ibyaha birenga 70 aregwa. Muri ibyo harimo ubwicanyi, gufata ku ngufu, iyicarubozo no gushimuta.
Urukiko rwasanze Kwoyelo ahamwa n’ibyaha 44, ibindi 31 byahagaritswe kuko basanze byisubiramo. Yagizwe umwere ku bindi byaha bitatu.
Ni ku nshuro ya mbere umwe mu bagize uwo mutwe aburanishijwe n’ubutabera bwa Uganda nk’uko iyi nkuru dukesha VOA ivuga.
Mu cyumba cy’urukiko mu majyaruguru ya Uganda mu Mujyi wa Gulu, kuri uyu wa kabiri Kwoyelo yazunguje umutwe nk’aho atemeranywa n’isomwa ry’urubanza, amaboko yayabusanyije yayarambitse ku meza.
Umucamanza Michael Elubu, umwe muri bane b’urukiko rukuru, asoma umwanzuro w’urukiko, yavuze ko uregwa ahamwa n’ibyaha.
Igisirikare cya Uganda cyafatiye Kwoyelo mu mashyamba yo mu majyaruguru y’uburasirazuba bwa Congo mu 2009. Kuva icyo gihe yari afunze ategereje kuburana.
About The Author
Related posts:
RIB yataye muriyombi abarimo abapadiri babiri bakurikiranyweho urupfu rw’umunyeshuri
NYANZA: Urukiko rwagize abere Abanyerondo bashinjwaga kwica Umuntu
Uwibye Channel ya YouTube ya Yago yakatiwe imyaka ibiri isubitse
Instant Harvey, Katie Price’s son, is escorted by police to the Heathrow airport where she is being held for missing court.
Rwema wamenyekanye kuri Youtube yatawe muri yombi
Uwari ku rutonde rw’Abadepite akurikiranweho icyaha cya Jenoside
ICC yasabye ko impapuro zo guta muri yombi abayobozi ba Israel na Hamas zakwihutishwa
CEO wa Telegram, Pavel Durov, Yajyanywe mu Rukiko rw’i Paris
