Ikusanyabitekerezo ryakozwe n’ikigo cyitwa ‘Twaweza East Africa’ gikorera muri Afurika y’Iburasirazuba, ryagaragaje ko Abanya-Tanzaniaa bagize ijanisha rya 69% banyuzwe n’ingingo z’ibanze z’icyererekezo cy’igihugu cyabo ku buryo badashobora kwishora mu myigaragagambyo nk’iri mu baturanyi babo bo muri Kenya na Uganda.
Mu gukusanya ibitekerezo by’abaturage by’uko babona ubutegetsi bwabo hitawe ku ngingo zirimo ubushomeri, gutakaza agaciro kw’ifaranga, imiyoborere, umutekano, ubucuruzi ndetse n’iterambere ry’ubukungu.
Ikinyamakuru The Citizen cyanditse ko iri kusanyabitekerezo ryagaragaje ko abaturage bagera kuri 69% by’abatuye muri Tanzania bavuze ko banyuzwe n’umurongo Igihugu cyabo kirimo.
Ibi bitandukanye no muri Uganda aho abaturage banyuzwe n’icyerekezo cy’igihugu cyabo ari 56% mu gihe muri Kenya ho ari 26% gusa
Ikindi iri kusanyabitekerezo rigaragaza abatuye Tanzania barusha abaturanyi ni umubare w’abaturage bagira uruhare muri gahunda zibagenewe aho 75% bemeza ko babonetse mu bikorwa bitandukanye bibagenwe mu myaka ishize mu gihe muri Kenya ari 56% naho muri Uganda bakaba 40% gusa.
Hari impuguke mu bijyanye na politiki zibaza impamvu Abanyatanzaniya benshi bafitiye ikizere ubuyobozi bwabo ugereranyije n’abaturanyi babo.
Umwe mu bayobozi mu kigo cy’Amategeko n’Uburenganzira bwa Muntu cyo muri Tanzania, Massawe Fulgence avuga ko impamvu abatuye iki gihugu bishimiye ubuyobozi ari uko babashije kumva no guhuza imirongo ya politiki yabo n’ubuzima bwa buri munsi babayemo.
Mwampembwa Robert we avuga ko ahubwo igituma abaturage ba Tanzania bagaragaza kwishimira ubutegetsi cyane ari ukutagira ubumenyi mu kugaragaza ibitabanyuze nk’uko muri Kenya bimeze.
About The Author
Related posts:
Musanze: Abaturage Babangamiwe n’ubukarabiro butakibamo amazi n’isabune
Rubavu: Ubuyobozi burahumuriza abaturage baturiye inkengero za Sebeya
Kayonza: Babangamiwe no kutagira ikusanyirizo ry’amata mu Murenge wose
U Rwanda rugeze kuri 91% rwihaza ku musaruro w’inyama
Nigeria: Abahinzi 13 bishwe n’abashumba bazira gutanga amakuru
U Rwanda nirugusaba amaboko uzaruhe n’umutima – Sandrine Isheja
KENYA: Yishe umugore we amucyekaho gusambana n’umuturanyi, nawe yiha uburozi atabarwa na polisi
2029 Abaturarwanda bose bazaba bafite amazi meza n’amashanyarazi
