Mu gihe kuri uyu wa Mbere tariki 26 kanama 2024, ikipe y’Igihugu itangira umwiherero yitegura imikino ibiri yo gushaka itike y’Igikombe cy’Afurika kizabera muri Morocco mu 2025, tugiye kurebera hamwe uko bamwe mu bakinnyi bahamagawe bitwaye mu mpera z’icyumweru gishize mu bihugu bakinamo.
Mu gihugu cya Ukraine shampiyona yarakomezaga ku munsi wa kane Ikipe ya FC Kryvbas Kryvyi Rih ikinamo Kapiteni w’Amavubi Bizimana Djihad, yanganyije igitego 1-1 na Inhulets Petrove.
Muri uyu mukino Djihad Bizimana yakinnye iminota yose y’umukino.
Kugeza ku munsi wa kane wa shampiyona, iyo kipe akinamo iri ku mwanya wa gatatu n’amanota arindwi.
Izi mpera z’icyumweru ntabwo zahiriye myugariro Mutsinzi Ange n’ikipe ye ya FK Zira yo mu cyikiro cya mbere muri Azerbaijan kuko batsinzwe na Samaxi FK igitego 1-0, mu mukino w’umunsi wa gatatu wa shampiyona.
Muri uyu mukino, Mutsinzi Ange yasimbuwe ku munota wa 46 mu gice cya kabiri.
Al Ahli Tripoli yo muri Libya ikinamo Manzi Thierry yageze mu ijonjora rya kabiri rya mbere rya CAF Confederation Cup nyuma yo gusezerera Uhamaiji FC yo muri Zanzibar iyitsinze ibitego 5-1 mu mukino ibiri yombi.
Mu ijonjora rya kabiri, Al Ahli Tripoli izahura na Simba SC yo muri Tanzania.
One Knoxville ikinamo rutahizamu Nshuti Innocent yanganyije igitego 1-1 na Spokane Velocity mu mukino w’umunsi wa 14 wa shampiyona, ariko uyu mukinnyi ntabwo yigeze akoreshwa kuko atari mu bakinnyi bitabajwe muri uyu mukino.
Kwizera Jojea ari mu bakinnyi bitabajwe iminota yose mu ikipe ye ya Rhode Island FC yo muri Leta Zunze Ubumwe z’Amerika bakina na Loudoun United banganyije ubusa ku busa.
Mu gihugu cya Kenya, Rutahizamu Gitego Arthur yatsinze igitego kimwe muri bine AFC Leopards yatsinze Marthare United mu mukino wa mbere wa shampiyona ya 2024/25.
Gitego ni we wafunguye amazamu ku munota wa gatanu.
Samuel Gueulette ukinira RAAL La Louvière yo mu Bubiligi yakinnye iminota yose y’umukino ubwo banganyaga na Club NXT U 2023 igitego 1-1 muri shampiyona y’Icyiciro cya Kabiri [Challenger Pro League].
Umunyezamu Ntwari akomeje kwitegurana na bagenzi be bakinira Kaizer Chiefs gutangira umwaka mushya w’imikino wa shampiyona y’umupira w’amaguru muri Afurika y’Epfo, kuva tariki ya 22 Kanama 2024.
Mu mpera z’iki cyumweru kandi myugariro w’Ikipe y’Igihugu, Imanishimwe Emmanuel ‘Mangwende’, yagaragaye mu bakinnyi AEL Limassol yo muri Cyprus yifashishije mu mukino wa mbere wa shampiyona yatsinzemo ALS Omonia ibitego 4-2.
Aba bakinnyi bose bazasanga bagenzi babo bakina imbere mu gihugu batangiye umwiherero kuri uyu wa Mbere n’Umutoza w’Ikipe y’Igihugu y’u Rwanda, Torsten Spittler.
Barimo kwitegura imikino ibiri yo mu itsinda D u Rwanda ruzasuramo Libya tariki 4 Nzeri mbere yo kwakira Nigeria 10 Nzeri 2024 kuri Sitade Amahoro, mu gushaka itike yo kujya mu Gikombe cy’Afurika cya 2025 kizabera muri Morocco.
About The Author
Related posts:
Terzic, the Dortmund leader, leaves after requesting to do so.
Mu myaka irindwi ishize u Rwanda rwakiriye imiko yo k’urwego mpuzamahanga ikurikira:
ABAKINNYI 10 BAKOMEYE KURUSHA ABANDI MU ISIGANWA RY’IGARE
Man Utd will construct a new £2 billion stadium in place of the contentious decision to LEAVE Old Trafford in favour of a 100,000-seat venue.
FOOTBALL: Manchester City beat United on penalties to win the Community Shield.
FOOTBALL: Umuhango wo gutanga ibihembo ku bakinnyi bitwaye neza muri Rwanda Premier League
REG BBC yakuyeho agahigo ko kudatsindwa ka Patriots BBC muri shampiyona
Basketball: Murekatete Bella yerekeje muri Espagne
Can you be more specific about the content of your article? After reading it, I still have some doubts. Hope you can help me.