Ukraine yafashe icyemezo cyo gufungura abagororwa bakoze ibyaha bitandukanye birimo ubwicanyi kugira ngo bifashishwe mu ntambara ikomeje kubura gica hagati y’iki gihugu n’u Burusiya.
Abanyamakuru b’ibiro ntaramakuru by’Abanyamerika, Associated Press, batangaje ko basuye aho aba bagororwa bari gutorezwa mu majyepfo y’uburasirazuba bwa Ukraine, basobanurirwa icyo bitezweho.
Ngo babwirwaga bati “Mushobora kuyihagarika, mugatangira ubuzima bushya. Ikintu cy’ingenzi ni ubushake bwanyu kubera ko mugiye kurwanira igihugu cyababyaye. Ntabwo mukwiye gutsindira kuri 50%, ahubwo mukwiye kugeza kuri 100%, yewe na 150%.”
Iki cyemezo kigamije gufasha Ukraine kuziba icyuho cy’abasirikare barimo abapfiriye muri iyi ntambara yatangiye muri Gashyantare 2022 ndetse n’inkomere. Gusa ntabwo kireba abahamijwe ibyaha byo gusambanya, kwica abantu babiri kuzamura ndetse n’abahamijwe ibyo guhungabanya umutekano w’igihugu.
Minisitiri w’Ubutabera wungirije wa Ukraine, Olena Vysotska, yasobanuye ko nyuma yo gusuzuma abagororwa bujuje ibisabwa, ubu hamaze gufungurwa by’agateganyo abagera ku 3000 kandi bamaze kwinjizwa mu gisirikare.
Ati “Ibitekerezo byinshi byavuye mu bagororwa bashaka kugaruka mu rugo nk’intwari, aho kugaruka mu rugo bavuye muri gereza.”
Minisitiri Vysotska yatangaje ko aba bagororwa bahawe imyitozo yo gukoresha intwaro n’ibindi bikoresho by’intambara, yongeraho ko abandi 27.000 nibamara gusuzumwa, bazarekurwa.
About The Author
Related posts:
RDF: Abasirikari basaga 190 barimo n’abafite amapeti birukanywe
Umugabo yapfuye ajya kubikuza amafaranga kuri SACCO
Senegal: Imfungwa zakamejeje mu myigaragambyo yo kwiyicisha inzara
Karongi: CLADHO iravuga ko abubatse umudugudu mu manegeka none ukaba uri gusenywa bagomba kubibazwa
Agahinda ka Nzovu kuri Dorimbogo wagiye atamuhuje n’umugore batandukanye nkuko yari yarabimusezeranyije
Urubyiruko rusaga 46% nta makuru ruba rufite ku igenamigambi ry’Igihugu
Rusizi-Nyamasheke: Inkaka y’ihene yahindutse imari ishyushye
Autriche: Restaurant yateje impagarara kubera kwishyuza abakeneye isahani ya kabiri
That’s good coz they will servz for the country protection