Perezida Joe Biden yasezeye mu matora y’umukuru w’igihugu yo muri uyu mwaka. We n’abandi bakomeye mw’ishyaka rye bashyigikiye ko Visi-Perezida Kamala Harris amusimbura nka kandida nimero ya mbere ariko haracyibazwa niba azemezwa burundu n’iri shyaka muri convention yo muri Kanama nk’uko biteganywa.
Abanyapolitiki, abanyamategeko, abahanga mu by’amateka bemeza ko icyemezo cya Perezida Biden ari ubwa mbere kibaye mu mateka ya Leta Zunze Ubumwe za Amerika.
Yari ataraba kandida 100%. Yego yatsinze amatora y’amajonjora muri leta zose 50 zigize igihugu. Ariko hari hasigaye ko n’inama kaminuza y’ishyaka, Convention, imuha umugisha wa nyuma. Izaterana kuva ku itariki ya 19 kugera ku ya 22 Kanama muri Chicago, muri Leta ya Illinois.
Aha ni ho babona ingorane za mbere za Kamala Harris. Bibaza niba n’intumwa zizajya muri Convention nazo zizamujya inyuma nta gutseta ibirenge.
Hejuru yabyo, baribaza niba azabasha kwigarurira amajwi yo muri za leta zimwe na zimwe zigoye ishyaka ry’Abademokarate, nk’uko Gary Schmitt yabitangarije VOA.
Schmitt ni umushakashatsi mukuru mu kigo cy’ubushakashatsi mu bya politiki cy’i Washington DC cyitwa “American Enterprise Institute.”
Yagize ati:” Ikibazo gikuru ni ukumenya niba Kamala Harris, ukomoka muri California, wo mu bagendera ku matwara y’impinduka zijyanye n’igihe tugezemo, azagira ingufu ahantu nka Michigan, Pennsylvania na Wisconsin, Abademokarate bakeneye gutsinda byanze bikunze kugirango bagumane perezidanse ya Repubulika.”
About The Author
Related posts:
USA: Could the US benefit from the international student backlash elsewhere?
ZIMBABWE :perezida Mnangagwa yiyemeje gutanga ubutabera kubarakotse ubwicanyi bwa Gukurahundi mu myaka y’ 1980
Leta ya Uganda yahamije ko yakiriye imishyikirano ya RDC na M23
Kigali: Abaturage 12 bajyanwe mu bitaro nyuma yo kunywa ubushera
Chris Brown n’itsinda rye bari mu mazi abira
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
Perezida Kagame yihanganishije Abaturage ba Ethiopia bibasiwe n’ibiza
Whatsapp yakoze impinduka aho Kohereza amafoto nta interineti bizajya bisaba
