Leta ya Zimbabwe yahakanye amakuru yavuzwe mu cyumweru gishize y’uko yaba yaraburijemo umugambi wa Repubulika Iharanira Demokarasi ya Congo wo kwivugana Joseph Kabila wahoze ayobora icyo gihugu.
Ku wa Gatandatu w’icyumweru gishize ubwo i Harare muri Zimbabwe haberaga inama y’abakuru b’ibihugu bigize umuryango wa SADC, havuzwe amakuru y’uko Leta ya RDC yaba yari yoherejeyo abakozi b’urwego rwayo rushinzwe ubutasi ngo bivugane Kabila na Gen John Numbi wigeze kuba Umuyobozi Mukuru wa Polisi ya Congo.
Byavuzwe kandi ko uwo mugambi wapfubijwe no kuba inzego z’umutekano za Zimbabwe zarataye muri yombi abarenga 30 bari baroherejwemo.
Umwe mu bayobozi muri Leta ya Zimbabwe wavugishijwe n’Ibiro Ntaramakuru ACP byo muri Congo yavuze ko “intumwa za Repubulika Iharanira Demokarasi ya Congo zavuye mu gihugu cyacu nta muntu n’umwe utawe muri yombi cyangwa ngo afungirwe i Harare ku mpamvu iyo ari yo yose”.
Yakomeje agira ati: “Nta mugambi wo kugerageza kwica Perezida Joseph Kabila wigeze ubera i Harare. Nta n’ibihuha nk’ibyo byigeze bibaho haba mu gihe na nyuma y’inama ya 44 y’abakuru b’ibihugu bya SADC.”
Zimbabwe ivuga ko ibyavuzwe byose ari ibihuha bidakwiye guhabwa agaciro.
Perezida Félix Antoine Tshisekedi ni umwe mu bakuru b’ibihugu bari bitabiriye iriya nama ya SADC yabereye i Harare.
Tshisekedi yavuzwe mu mugambi wo kugerageza kwivugana Kabila, nyuma y’uko mu minsi yashize yamushinje kuba ari we uri inyuma y’ihuriro Alliance Fleuve Congo ribarizwamo umutwe wa M23 rimaze igihe ritangaza ko rishaka gukuraho ubutegetsi bwe.
About The Author
Related posts:
Sami Taleb Abdul Eliminated, Senior Commander of Hezbollah
USA: Haribazwa niba n’intumwa zizajya muri Convention y’Abademokarate zizashyigikira Kamala Harris
Tanzania : Perezida Samia Suluhu yakuye mu nshingano abarimo minisitiri w’ububanyi n’amahanga
Inshingano nyamukuru z’abadepite bashya muri manda nshya yabo
Putin warns US of a missile scenario akin to the Cold War
Umuhango w’Irahira rya Perezida Kagame Paul | Tariki 11 Kanama 2024
16 bapfiriye mu mirwano yahuje M23 na FARDC harimo n’abatwikiwe mu modoka
Israel yavuze ko nta gahunda ifite yo gukura ingabo ku mupaka wa Gaza na Misiri
Can you be more specific about the content of your article? After reading it, I still have some doubts. Hope you can help me.
Your article helped me a lot, is there any more related content? Thanks!